All Articles of MONOROOM.info

ប្រសិនបើរូបភាព ចំអកទឹកភ្លៀងលិចភ្នំពេញ ឬរូបភាពស៊ិចស៊ី បង្ហាញដើមទ្រូងថ្លោសៗ របស់តារាស្រី «មិន​សូវ​ល្បី»មួយចំនួន ត្រូវបានបង្ហោះនៅលើបណ្ដាញសង្គម ហើយទទួលបាននូវការចាប់អារម្មណ៍ ពីអ្នក​ប្រើប្រាស់​បណ្ដាញសង្គមនានា យ៉ាងណាក្ដី តែរូបភាពមួយសន្លឹក ដែលទើបនឹងត្រូវបង្ហោះ កាលពីដើមខែតុលានេះ បាន​បង្កការភ្ញាក់ផ្អើលមិនតិចទេ ហើយជំរុញឲ្យមានការជជែក មិនដាច់សូរ ជុំវិញការឲ្យតម្លៃ ទៅលើការ​អនុវត្តន៍​ច្បាប់ នៅក្នុងប្រទេសកម្ពុជា។

រូបភាពដែលត្រូវបាន ចែករំលែកតៗគ្នានោះ បានបង្ហាញនូវបុរស«៤»នាក់ ក្នុងឯកសណ្ឋានជាប៉េអឹម (កង​រាជ​អាវុធហត្ថ) កំពុងតែ«បាញ់នោម» នៅមុខស្លាកយីហោ របស់ក្រសួងយុត្តិធម៌ នៅខាងមុខព្រះបរមរាជវាំង ដែល​ជាបេះដូង នៃព្រះរាជាណាចក្រ អច្ឆៈរិយៈ«គ្មាន»ពីរក្នុងលោក។ ការវាយប្រហារ ដោយការបាញ់ទឹក របស់​មន្ត្រី​អ្នកអនុវត្តច្បាប់ទាំងបួនរូបនោះ ធ្វើឡើងស្ថិនៅតាមបណ្ដោយ «មហាវិថីសម្តេចសុធារស» ដែលត្រូវបានបិទ ចាប់​ពីចំណុចកែង [...]

ជនរងគ្រោះខាងលើ ត្រូវបានប្រភពនៅនឹងកន្លែងឲ្យដឹងថា ជាជនជាតិអាមេរិកម្នាក់ ឈ្មោះ «Harris Charles Frederick» អាយុ៦៦ឆ្នាំ បានចូលស្នាក់នៅសណ្ឋាគារខាងលើ កាលពីថ្ងៃទី ០៣ ខែតុលាឆ្នាំ ២០១៥ ក្នុង​បន្ទប់លេខ ៧២៨ ជាន់ទី២០។ ប្រភពពីកន្លែងកើតហេតុ បានបញ្ជាក់ថា ហេតុការណ៍​ភ្ញាក់ផ្អើល ដល់​អ្នក​ជិត​ខាងនេះ បានកើតឡើង កាលពីវេលាម៉ោង១០ ព្រឹក ថ្ងៃទី០៥ ខែតុលាឆ្នាំ២០១៥នេះ។

ក្រោយពីភ្ញៀវជនជាតិរបទេសខាងលើ បានធ្លាក់ពីលើសណ្ឋាគារស្លាប់ អ្នកគ្រប់គ្រងផ្នែកសន្តិសុខ នៅ​សណ្ឋាគារ​ខាងលើបាន បញ្ជាឲ្យបិតផ្លូវភ្លាមៗ រារាំងមិនឲ្យអ្នកសារព័ត៌មាន ប្រមាណ១០ស្ថាប័ន ចូល​ទៅ​កន្លែង​កើតហេតុនោះទេ។ បើតាមសម្តីប្រជាពលរដ្ឋ នៅជិតទីតាំងកើតហេតុ ក្នុងក្រុមទី៣ សង្កាត់​ជ្រោយ​ចង្វារ ខណ្ឌជ្រោយចង្វារ រាជធានីភ្នំពេញ តាមបណ្តោយផ្លូវទន្លេបានសាក់ ប្រាប់ទស្សនាវដ្តី​មនោរម្យ.អាំងហ្វូ​ឲ្យ​ដឹង​ថា សណ្ឋាគារខាងលើ ធ្លាប់មានមនុស្ស្សស្លាប់០៤នាក់ [...]

ហេតុការណ៍រថយន្តដឹកដី ប៉ះជាមួយរថយន្តវីហ្គោនេះ បានកើតឡើង នៅវេលាម៉ោង ៩ និង ៥០នាទីព្រឹក ថ្ងៃទី ០៥ ខែ កញ្ញា ឆ្នាំ ២០១៥ ស្ថិតនៅតាមផ្លូវព្រះសីហនុ ទល់មុខឱសថដ្ឋានចន្ទពេញវង់ ក្នុងសង្កាត់ អូឡាំពិក ខណ្ឌចំការមន រាជធានីភ្នំពេញ បណ្តោលឲ្យខូចខាតរថយន្តទាំងសងខាង តែមិនខូចខ្លាំងនោះទេ។

រថយន្តបង្ក ជាប្រភេទរថយន្តដឹកដីធន់ធ្ងរ របស់ក្រុមហ៊ុនណាកាវើល (NAKAWORLD) មានពណ៍លឿង ពាក់​ស្លាកលេខ AT15 3-0653 បើកបរដោយបុរស មិនស្គាល់អត្តសញ្ញាណ។ ចំណែករថយន្តវីហ្គោ (VIGO) មាន​ពណ៍ខ្មៅ មានស្លាកលេខ ភ្នំពេញ 2F-7788 មិនស្គាល់ឈ្មោះអ្នកបើកបរ។

បើតាមសម្តី របស់បុរសមានវ័យចំណាស់ ដែលជាម្ចាស់រថយន្តវីហ្គោ បានថ្លែងប្រាប់ទស្សនាវដ្តី​មនោរម្យ.​អាំងហ្វូ ដោយមិនបញ្ចេញឈ្មោះថា គាត់បានបើរថយន្ត តាមផ្លូវព្រះសីហនុ បំណងទៅតាខ្មៅ តែមក​ដល់​កន្លែងកើតហេតុ ក៏មានរថយន្តដឹកដី របស់ក្រុមហ៊ុន ណាកាវើល បានបុកពីក្រោយ បណ្តាលឲ្យរថយន្ដលោក [...]

នៅមុនការបោះឆ្នោតអាណត្តិក្រោយ គណបក្សសង្គ្រោះជាតិ នឹងមានក្រុមការងារតាមភូមិ-ឃុំ ដើម្បីជួយ​ប្រជាពលរដ្ឋ ដែលមិនទាន់មានអត្តសញ្ញាណបណ្ណ ឲ្យទទួលបានអត្តសញ្ញាណបណ្ណគ្រប់ៗគ្នា។ នេះបើតាម​ការលើកឡើង របស់លោក សម រង្ស៊ី ប្រធានគណបក្សសង្គ្រោះជាតិ។

ថ្លែងក្នុងកម្មវិធី ស្តីពី «ដំណើរឆ្ពោះទៅរកការបោះឆ្នោត ដើម្បីនាំមកនូវការផ្លាស់ប្តូរ» នាថ្ងៃទី២ ខែតុលា ឆ្នាំ​២០១៥ នៅសណ្ឋាគារអ៊ីមភឺរៀល លោក សម រង្ស៊ី បានលើកឡើងថា៖ «យើងនឹងចាប់ផ្តើមណែនាំ ឱ្យរចនា​សម្ព័ន្ធរបស់យើង នៅតាមភូមិនីមួយៗ ធ្វើបញ្ជីអ្នកដែលអត់ ទាន់មានអត្តសញ្ញាណបណ្ណ។ តើមាន​មូលហេតុ​អ្វី? ខ្វះអ្វី? ហើយតាមដាន ជួយប្រជាពលរដ្ឋដោយមិនរើសមុខ។ ទោះជាប្រជាពលរដ្ឋ គាំទ្រគណបក្ស​ណាក៏​ដោយ មិនប្រកាន់ថា គាត់បោះឆ្នោតឲ្យគណបក្សណានោះទេ។ ប៉ុន្តែបើប្រជាពលរដ្ឋណា ដែលគាត់លើក​ឡើងថា គាត់គ្មានអត្តសញ្ញាណបណ្ណ គាត់ជួបការលំបាក គណបក្សសង្រ្គោះជាតិនឹងជួយ។»

លោកបានអះអាងថា [...]

នោះ ព្រោះតែតុលាការកម្ពុជា មិនឯករាជ្យ ដែលនាំឲ្យមានភាពស្ងៀមស្ងាត់ ក្នុងការផ្តល់យុត្តិធម៌ សម្រាប់​ជន​រងគ្រោះ ក្នុងព្រឹត្តិការណ៍ផ្ទុះគ្រាប់បែក មុខរដ្ឋសភា កាលពីថ្ងៃទី៣០ ខែមីនា ឆ្នាំ១៩៩៧ កន្លងមកនេះ។ នេះ​ជា​ការ​អះអាង របស់លោក សម រង្ស៊ី ប្រធានគណបក្សសង្រ្គោះជាតិ នៅក្នុងទិវារាប់បាតរដូវភ្ជំបិណ្ឌ ដែល​ធ្វើ​ឡើង​ដើម្បី​ឧទ្ទិស ទៅកាន់អ្នករងគ្រោះ ក្នុងព្រឹត្តិការណ៍ផ្ទុះគ្រាប់បែក នៅមុខរដ្ឋសភា កាលពីជាង១៨ឆ្នាំមុន។

លោក រង្ស៊ី បានថ្លែងទៀតថា ដើម្បីទទួលបានយុត្តិធម៌ សម្រាប់អ្នកស្លាប់ទាំងនោះ លោកនឹងមាន​យុទ្ធសាស្រ្ត​ថ្មី ដើម្បីជម្រុញ ឲ្យមានការផ្តល់នូវយុត្តិធម៌មួយ ដ៏សមស្របសម្រាប់ពួកគេ នាពេលខាងមុខ។

ទស្សនាវដ្តីមនោរម្យ.អាំងហ្វូ មិនអាចសុំប្រតិកម្ម ពីអ្នកនាំពាក្យរដ្ឋាភិបាល ឬក្រសួងមហាផ្ទៃ បាននៅឡើយ រហូត​មកទល់ពេលនេះ ព្រោះមិនមានអ្នកទទួលទូរស័ព្ទ៕