Posts in ‘សម្រាំងកំសាន្ដ’ Category

អតីត​អគ្គនាយក «Guess» រង​ការ​ចោទ​ថា «ស្ទាប​សុដន់​ដើម្បី​ចង់​ដឹង​របស់​ពិត»

អតីត​អគ្គនាយក «Guess» រង​ការ​ចោទ​ថា «ស្ទាប​សុដន់​ដើម្បី​ចង់​ដឹង​របស់​ពិត»

ជាសង្គ្រាមសំដី ដ៏ស្រួចស្រាវ រវាងកំពូលតារាបង្ហាញម៉ូដ នាង ខេត អ័បថុន (Kate Upton) និងលោក ផូល ម៉ាស្យាណូ (Paul Marciano) សហស្ថាបនិកនៃក្រុមហ៊ុនគ្រឿងសំអាង «Guess» ដែលបង្កឲ្យមានការចាប់អារម្មណ៍ ពីបណ្ដាប្រព័ន្ធផ្សព្វផ្សាយ នៅលោកខាងលិច។ ជាភាគបន្តដ៏អាស្រូវ ដែលបានធ្វើឲ្យតម្លៃភាគហ៊ុន របស់ក្រុមហ៊ុនអាមេរិកមួយនេះ ធ្លាក់ចុះកាលពីព្រហស្បត្តិ៍ អស់ប្រមាណជា១៧,៧៥%។

រឿងរ៉ាវបានផ្ទុះឡើង កាលពីដើមសប្ដាហ៍នេះ បន្ទាប់ពីនាង ខេត អ័បថុន តារាបង្ហាញម៉ូដអាយុ២៥ឆ្នាំ ដែលមានដើមទ្រូងធម្មជាតិ ធំទូលាយដ៏ទ្រលុកទ្រលុន បានបង្ហោះនៅលើបណ្ដាញសង្គម បរិហារលោក ផូល ម៉ាស្យាណូ ដែលសព្វថ្ងៃមានឋានៈត្រឹម ជានាយកគ្រប់គ្រងផ្នែកសិល្បៈ អាយុ៦៥ឆ្នាំ ថាបានបំពារបំពាន លើរាងកាយរបស់នាង កាលពីពេលនាង ធ្វើជាតារាសម្ដែងម៉ូដ ប្រចាំឲ្យក្រុមហ៊ុន រវាងពីឆ្នាំ២០១០ ដល់ឆ្នាំ២០១១។

ការអះអាងរបស់នាង ខេត ធ្វើឡើងស្របពេល នឹងយុទ្ធនាការពិភពលោក ដាក់ឈ្មោះ [...]

កំពូល​សណ្ឋាគារ​ប្រសើរ​ជាង​គេ​ក្នុង​លោក ស្ថិតនៅ... សៀមរាប!

កំពូល​សណ្ឋាគារ​ប្រសើរ​ជាង​គេ​ក្នុង​លោក ស្ថិតនៅ... សៀមរាប!

សណ្ឋាគារនោះ មានឈ្មោះ «វីរតន៍​ (Viroth's Hotel)» ស្ថិតនៅកណ្ដាលក្រុងសៀមរាប ដែលជាក្រុងទេសចរណ៍វប្បធម៌ ដ៏សំខាន់របស់ប្រទេស​កម្ពុជា។ សណ្ឋាគារកម្រិតផ្កាយប្រាំមួយនេះ ត្រូវបានអតិថិជន អ្នកទេសចរណ៍ ឬប្រិយមិត្តដែល​ធ្លាប់បាន​ទៅ​ស្នាក់នៅ ផ្ដល់ពិន្ទុនៅក្នុងគេហទំព័រ «ទ្រីពេវ៉ាយស័រ (TripAdvisor)» ក្នុងអំឡុងពេញមួយឆ្នាំកន្លងទៅ មានកម្រិតល្អប្រសើរជាងគេ ពីក្នុងបណ្ដាសណ្ឋាគារ នៅជុំវិញពិភពលោក។

ពិន្ទុដែលសណ្ឋាគារនេះទទួលបាន រហូតមកដល់ពេលនេះ ៥/៥ បើគិតជាមធ្យមភាគ - ៩៥% បើគិតជាភាគរយ នៃការស្រឡាញ់ពេញចិត្ត នៃបណ្ដាប្រិយមិត្ត ដែលបានចុះឈ្មោះ ជាសមាជិករបស់គេហទំព័រខាងលើ។ ប៉ុន្តែមិនមែន មានតែគេហទំព័រ ទ្រីពេវ៉ាយស័រ ប៉ុណ្ណោះទេ តែនៅលើគេហទំព័រកក់/ជួលសណ្ឋាគារផ្សេងៗទៀត ដូចជា «Hotel.com» «Agoda.com» និង«Booking.com» ជាដើម ក៏សណ្ឋាគារ «វីរតន៍» ទទួលបានការនិយមចូលចិត្ត ពីអតិថិជនរបស់ខ្លួនដែរ។

ប្រកាសបិទផ្លូវពីរខែ ដើម្បីទុកឲ្យកង្កែបរួមរ័ក

ប្រកាសបិទផ្លូវពីរខែ ដើម្បីទុកឲ្យកង្កែបរួមរ័ក

ផ្លូវមួយខ្សែ នៅក្នុងក្រុង «Saint-Malo» ស្ថិតក្នុងតំបន់ «Bretagne» ភាគខាងលិចប្រទេសបារាំង នឹងត្រូវហាមឃាត់ ការធ្វើចរាចរណ៍ដោយយានយន្ដ សម្រាប់រយៈពេល២ខែ រាប់ចាប់តាំងពីថ្ងៃទី១៥ ខែមករា ទៅដល់ថ្ងៃទី១៥ ខែមីនាខាងមុខ ដើម្បីផ្ដល់ឱកាស ឲ្យបណ្ដាសត្វកង្កែប គីង្គក់ ហ៊ីង ឬកញ្ចាញ់ចេក... អាចរួមរ័ក (ពាក់)គ្នាបាន ដោយគ្មានការរំខាន។ នេះ បើតាមសេចក្ដីប្រកាសព័ត៌មានមួយ របស់សាលាក្រុង ដែលចេញផ្សាយឲ្យដឹង កាលពីម្សិលម៉ិញ។ 

ផ្លូវដែលត្រូវសម្រេច ឲ្យបិទការធ្វើចរាចរណ៍នោះ មានឈ្មោះ «Petits Ports» ស្ថិតនៅក្បែរជ្រោយមួយ ឈ្មោះ «Varde» ដែលលយចូលទៅក្នុងសមុទ្រ។ នៅទីនោះ ជាផ្នែកមួយនៃតំបន់អភិរក្ស និងត្រូវបានដាក់បញ្ចូល ក្នុងបញ្ជីនៃលំហធម្មជាតិ ដែលរងការប៉ះពាល់ខ្លាំង។ សាលាក្រុងបានគូសបញ្ជាក់ថា កាលពីឆ្នាំទៅម៉ិញ ចរាចរណ៍យានយន្ដ នៅលើបណ្ដោយផ្លូវនេះ បានបណ្ដាលឲ្យសត្វកង្កែប គីង្គក់... ងាប់យ៉ាងសន្ធឹកសន្ធាប់ នៅខណៈពេលដែលពួកវា [...]

យន្ដហោះ​មួយ​នេះ ហោះ​ចេញ​នៅ​ឆ្នាំ​២០១៨ ទៅ​ចុះ​ចត​ក្នុង​ឆ្នាំ​២០១៧

យន្ដហោះ​មួយ​នេះ ហោះ​ចេញ​នៅ​ឆ្នាំ​២០១៨ ទៅ​ចុះ​ចត​ក្នុង​ឆ្នាំ​២០១៧

ជើងហោះហើរ លេខ «HA446» ដែលភ្ជាប់ក្រុង «Auckland» នៃកោះញ៉ូហ្សេឡេន ទៅកាន់ក្រុង «Honolulu» នៃកោះហាវ៉ៃ បានធ្វើដំណើរឆ្លងឆ្នាំ ពីឆ្នាំនេះ ទៅកាន់ឆ្នាំមុន។ នេះ ដោយសារតែការងើបខ្លួន ហោះចេញពីព្រលានយន្ដហោះ ក្រុង «Auckland» បានយឺតពេលប្រមាណជា១០នាទី ពោលគឺយន្ដហោះត្រូវហោះចេញ នៅថ្ងៃទី៣១ ខែធ្នូ ឆ្នាំ២០១៧ វេលាម៉ោង២៣និង៥៥នាទី តែបែជាត្រូវតំអក់ រហូតដល់ម៉ោង០០ និង៥នាទី ក្នុងថ្ងៃទី១ ខែមករា ឆ្នាំ២០១៨ ទើបយន្ដហោះអាចងើបខ្លួន ហោះចេញបាន។

ហើយដោយសារតែភាពខុសគ្នា នៃពេលវេលា រវាងប្រទេសញ៉ូហ្សេឡែន ដែលទទួលពន្លឺព្រះអាទិត្យមុនគេ និងកោះហាវ៉ៃ ដែលទទួលពន្លឺព្រះអាទិត្យ នៅ២៣ម៉ោងក្រោយ ទើបជើងហោះហើរ របស់យន្ដហោះ ហាវ៉ៃអ៊ែរវែស (Hawaian Airline) នេះ ទៅចុះចតនៅក្នុងកោះអាមេរិក ដែលស្ថិតក្នុងភាគលិច នៃពិភពលោកមួយនេះ នៅថ្ងៃទី៣១ ខែធ្នូ [...]

សេក បណ្ឌិត (វិទ្យុអាស៊ីសេរី) ពត់​ខ្លួន​ស្ងាប​មួយ​ចាស់​ដៃ​ក្នុង​ពេល​ផ្សាយ​ផ្ទាល់!

សេក បណ្ឌិត (វិទ្យុអាស៊ីសេរី) ពត់​ខ្លួន​ស្ងាប​មួយ​ចាស់​ដៃ​ក្នុង​ពេល​ផ្សាយ​ផ្ទាល់!

តាមទំនងមើល លោក សេក បណ្ឌិត អាចជាអស់កម្លាំងខ្លាំង ឬទ្រាំមិនបាន​នឹងស្ដាប់ព័ត៌មានដ៏«ពិរោះ» របស់សហការីលោក ទាក់ទងនឹងទីលានប្រជល់មាន់ធំៗជាច្រើន នៅក្នុងប្រទេសកម្ពុជា ដែលជាកម្មសិទ្ធិរបស់ក្មួយប្រសារលោកនាយករដ្ឋមន្ត្រី ហ៊ុន សែន! រំពេចនោះ រូបភាពដ៏អស្ចារ្យមួយបានកើតឡើង នៅក្នុងកម្មវិធីវិទ្យុ ដែលកំពុងផ្សាយ ជាវីដេអូបន្តផ្ទាល់ ទាំងនៅលើគេហទំព័រផ្លូវការ ទំព័រហ្វេសប៊ុក (Facebook) និងទំព័រយូធូប (Youtube) របស់វិទ្យុអាស៊ីសេរី៖ នោះ គឺអ្នកអានព័ត៌មានខាងលើ ប្រចាំឲ្យវិទ្យុដ៏មានប្រជាប្រិយភាព បាន​ពត់ខ្លួន​និងហាមាត់ស្ងាបយ៉ាងចាស់ដៃ ហាក់ដូចជានៅជុំវិញខ្លួនលោក គ្មានរឿងអ្វីកើតឡើងទាំងអស់។

រូបភាពដ៏អស្ចារ្យ ត្រូវបានគេឃើញនៅពេលផ្សាយផ្ទាល់ ប៉ុន្តែវីដេអូដែលមានរូបភាពនោះ ត្រូវបានលប់ចេញ នៅប្រមាណជាមួយម៉ោងក្រោយការផ្សាយ និងជំនួសដោយវីដេអូមួយទៀត ដែលគ្មានរូបភាពពត់ខ្លួនស្ងាបនេះទេ។



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...