Posts in ‘បច្ចុប្បន្នភាពក្នុងលោក’ Category

យ៉ាងណា ក៏លោក អ៊ុំ ដារ៉ាវុធ ទីប្រឹក្សាព្រះរាជលេខាធិការដ្ឋាន របស់ព្រះមហាក្សត្រកម្ពុជា បានបញ្ចាក់ថា ព្រះរាជដំណើរនេះ គឺជាកម្មវិធីពិសេស ដែលព្រះអង្គត្រូវយាង ទៅសោយក្រយានៅទីនោះ និងមិនមែនជារឿងចម្លែកទេ។ លោកទីប្រឹក្សាបន្ថែមថា លោកពុំបានដឹង ពីទឹកព្រះទ័យ របស់ព្រះមហាក្សត្រ នៅក្នុងព្រះរាជដំណើរ ចេញក្រៅព្រះរាជវាំងនេះទេ។

ព្រះមហាក្សត្រកម្ពុជា ព្រះបាទ ព្រះករុណា សម្តេច​ព្រះបរមនាថ នរោត្ដម សីហមុនី និងព្រះវររាជមាតា សម្ដេចព្រះ នរោត្តម មនីនាថ សីហនុ  ត្រូវបានគេឃើញទ្រង់ទាំងពីរព្រះអង្គ នៅវេលាថ្ងៃត្រង់នេះ យាងទៅសោយក្រយា នៅក្នុងភោជនីយដ្ឋានមួយ ឈ្មោះ «មាលា» ដែលមានទីតាំងនៅចំ ពីក្រោយតុលាការ​កំពូល។ គេបានស្គាល់ថា ភោជនីយដ្ឋាននោះជាកម្មសិទ្ធិ របស់ព្រះអង្គម្ចាស់ក្សត្រី នរោត្ដម អរុណរស្មី ដែលជាព្រះរាជកនិដ្ឋា របស់ព្រះមហាក្សត្រ។

ស្ថានទូតអាមេរិកបានសំដែង ការព្រួយបារម្ភ ពីការប្រឈមមុខគ្នាមួយ បន្ទាប់ពីការសម្រេចសាលក្រម របស់តុលាការកំពូលកម្ពុជា ដែលកំពុងបើកសវនាការជំនុំជម្រះ ទៅលើបណ្ដឹងសុំរំលាយគណបក្សសង្គ្រោះជាតិ ដែលជាគណបក្សប្រឆាំង ធំជាងគេនៅកម្ពុជា។ នេះ បើតាមការសេចក្ដីប្រកាសព័ត៌មានមួយ ដែលចេញផ្សាយពីស្ថានទូតរបស់ប្រទេសមហាអំណាច នៅព្រឹកថ្ងៃទី១៦ ខែវិច្ឆិកា ឆ្នាំ២០១៧នេះ

សេចក្ដី​ប្រកាសព័ត៌មាននោះ បានឲ្យដឹងថា រដ្ឋាភិបាលកម្ពុជា ការដាក់កម្លាំងការពារយ៉ាងច្រើន ដើម្បីទប់ស្កាត់បាតុកម្ម ឬការតវ៉ាណាមួយ ដែលអាចធ្វើឡើង ប្រឆាំងនឹងសេចក្ដីសម្រេច របស់តុលាការកំពូល​ ហើយដែលអាចនឹងធ្វើឲ្យមានការប្រឈមមុខដាក់គ្នា ដែលឈានទៅរកការប្រើហិង្សា ជាយថាហេតុ។​ សេចក្ដីប្រកាសព័ត៌មាន បានសរសេរថា៖ «កងកម្លាំងសន្តិសុខ ជាច្រើនសន្ធឹកសន្ធាប់ ត្រូវបានដាក់ពង្រាយនៅគ្រប់ទីកន្លែង ក្នុងរាជធានីភ្នំពេញ ជាពិសេសនៅជុំវិញតុលាការកំពូល ខណៈចរាចរណ៍នៅជុំវិញព្រះបរមរាជវាំង [...]