Posts in ‘គ្រប់អត្ថបទជាខេមរភាសា’ Category

ហេតុផលជាក់លាក់ នៃការតវ៉ា ដែលលើកឡើង​ដោយតំណាងកម្មករម្នាក់ បានប្រាប់ឲ្យដឹងថា មកពី​ថៅកែ​ក្រុមហ៊ុន ហុងកុងឡេន មិនគោរពច្បាប់ការងារ ជាពិសេសកិច្ចព្រមព្រៀង ជាមួយកម្មករពីរចំណុច ដែល​ពួក​កម្មករ​មិនអាចទទួលយកបាន។ ក្នុងនោះមាន៖ (១) មិនអនុញ្ញាត ឲ្យចេញក្រៅកន្លែងធ្វើការ ក្នុងម៉ោងឈប់​សម្រាក ញ៉ាំអារហារ។ (២) មិនគោរពម៉ោងកាងារ តែងតែបង្ខំកម្មករ ឲ្យចូលធ្វើការមុនម៉ោង ដោយគ្មានផ្តល់​ប្រាក់បន្ថែមផ្សេងៗ។ ហេតុផលទាំងពីរនេះ បានធ្វើឲ្យពួកម្មករទ្រាំមិនបាន ក៏រួមគ្នាធ្វើការតវាជាថ្មីទៀត ទាំង​ថ្ងៃត្រង់ នៅពីមុខការដ្ឋាន របស់ក្រុមហ៊ុន ដែលមានទីតាំង នៅផ្លូវ១១៦ភូមិ២ សង្កាត់វត្តភ្នំ ខណ្ឌដូន រាជធានី​ភ្នំពេញ។

តាមសម្តីបុរសម្នាក់ ដែលជាបុគ្គលិក នៅក្នុងក្រុមហ៊ុនខាងលើដែរ បានប្រាប់ឲ្យដឹងថា កាលពីមុន ធ្លាប់មាន​ការតវា ពីសំណាក់កម្មករម្តងរួចមកហើយ គឺកាលពីចុងឆ្នាំ២០១៤ ឈានចូលឆ្នាំ២០១៥ លើកនេះ ជាការផ្ទុះ​ការតវា ជាលើកទីពីរហើយ។ លោកបញ្ជាក់ថា [...]

យ៉ាងហោចណាស់ ប្រជាពលរដ្ឋ និងតំណាងរបស់ខ្លួន ប្រមាណជាងមួយពាក់នាក់ ដែលបានអះអាងថា ពួក​ខ្លួន​ធ្លាប់ធ្វើការគាំទ្រគណបក្សសង្គ្រោះជាតិ បាននាំគ្នាងាកមកចាប់ យកគណបក្សថ្មីមួយទៀត ដែលទើបនឹង​បង្កើត​ឡើង មានឈ្មោះថា «គណបក្សសំបុកឃ្មុំ​សង្គមប្រជាធិបតេយ្យ»។

តើមានមូលហេតុអ្វីខ្លះ ដែលនាំឲ្យពួកគាត់ចាកចេញ ពីគណបក្សដ៏ធំមួយ ដែលមានសម្លេងក្នុងរដ្ឋសភា យ៉ាង​ក្រាស់ក្រែល បែរជាមកចូលរួម ជាមួយនឹងគណបក្សថ្មី ដែលមិនមានកៅអីមួយសោះ ក្នុងរដ្ឋសភាទៅវិញ។ ដើម្បី​បានជ្រាបច្បាស់ពីបញ្ហានេះ សូមស្តាប់ការបកស្រាយ និងការលើកឡើង របស់តំណាងពលរដ្ឋតាម​ខេត្ត​នីមួយៗ ជាមួយទស្សនាវដ្តីមនោរម្យ.អាំងហ្វូដូចខាងក្រោម៖

លោក តូច វិត មកពីខេត្តកណ្តាល បានលើកលើងថា លោកបានដាក់ចិត្ត ចូលរួមជាមួយនឹងគណបក្សលោក ម៉មសូណង់ដូ ដោយលាលែង និងអស់ជំនឿលើគណបក្សសង្គ្រោះជាតិ ព្រោះតែលោកបានបាត់បង់​ប្អូន​ប្រុស​ម្នាក់ ឈ្មោះ រដ្ឋា បន្ទាប់ពីគណបក្សនេះ បានធ្វើបាតុកម្ម [...]

លោក ម៉ម សូណង់ដូ ប្រធានគណបក្សសំបុកឃ្មុំ​សង្គមប្រជាធិបតេយ្យ ដែលទើបតែទទួលបាន​ការគាំទ្រ និង​ជ្រើសរើស ជាប្រធានបក្សជាផ្លូវការនោះ បានធ្វើការរិះគន់យ៉ាងចាស់ដៃ ទៅលើគណបក្សនយោបាយ​មួយ​ចំនួន នៅ​កម្ពុជាថា បាននឹងប្រើប្រាស់ នូវ«ប្រជាភិថុត» ធ្វើការបោកប្រាស់រាស្ត្រ ព្រោះតែចង់បានអំណាច ដោយ​មិនគិតពីប្រយោជន៍ពលរដ្ឋ សង្គម និងប្រយោជន៍ជាតិជាធំ។

នាថ្ងៃទី៩ ខែកញ្ញា ឆ្នាំ២០១៥ ម្សិលម៉ិញនេះ ក្នុងសមាជគណបក្សសំបុកឃ្មុំ​សង្គមប្រជាធិបតេយ្យ លោក ម៉ម សូណង់ដូ ដែលត្រូវបានជ្រើសតាំងជា «ប្រធានបក្ស» បានចាប់ផ្តើមជ្រើសរើស យកគណបក្សសង្គ្រោះជាតិ ជាដៃគូប្រជែងក្នុងឆាកនយោបាយ ដើម្បីទាញយកការគាំទ្រ ពីពលរដ្ឋ។

ជាមួយនឹងកិច្ចស្វាគមន៍ ក្នុងការបើកបវេស្សនកាលថ្មី នៃគណបក្ស«សំបុកឃ្មុំ​សង្គមប្រជាធិបតេយ្យ»នេះ ម៉ម សូណង់ដូ ធ្វើការវាយប្រហារ ដោយពាក្យសម្ដីធ្ងន់ៗ និងមិនសំចៃមាត់ឡើយ លើគណបក្សមួយ​ដែលគេ​ស្គាល់​ថា ជាគណបក្សប្រឆាំង [...]

សកម្មជន និងអ្នកគាំទ្រគណបក្សសង្គ្រោះជាតិទាំងអស់ គួរនាំគ្នាងាកមកគិតគួ រឿងរៀបចំការបោះឆ្នោតវិញ ប្រសើរជាងគិតគួរឿងអ្វីផ្សេងទៀត។ នេះជាការថ្លែងឡើង របស់អនុប្រធានគណបក្សសង្គ្រោះជាតិ លោក កឹម សុខា បន្ទាប់ពីលោក បានវិលត្រឡប់មកកម្ពុជាវិញភ្លាមៗ កាលពីថ្ងៃទី៩ ខែកញ្ញានេះ ដើម្បីស្នើទៅកាន់​សកម្ម​ជន និងអ្នកគាំទ្រគណបក្សរបស់លោក។ នៅក្នុងភាពប្រញាប់ប្រញាល់ ចូលក្នុងរថយន្ត នាព្រលានយន្ដហោះ​អន្តរជាតិនោះផង លោក កឹម សុខា បានបង្ហើបទៀតថា នារសៀលថ្ងៃទី០៩ ខែកញ្ញា ឆ្នាំ២០១៥នេះ លោកនឹង​ចុះសួរសុខទុក្ខ សកម្មជនរបស់ខ្លួន ដែលកំពុងជាប់ពន្ធនាគារព្រៃស។

ក្នុងនាមជាប្រធានគណបក្ស សង្គ្រោះជាតិស្តីទី លោក កឹម សុខា បានបញ្ជាក់ជាសាធារណៈ ប្រាប់​អ្នក​សារ​ព័ត៌មាន​ថា លោកបានស្នើដល់មន្រ្តី ក្រោមឱវាទទាំងអស់ ឲ្យបញ្ឈប់លើកយកបញ្ហាព្រំដែន បញ្ហាផែនទី ផ្សា​ភ្ជាប់​ជាមួយ នឹងបញ្ហានយោបាយ។ លោកថ្លែងថា បច្ចុប្បន្ននេះ បញ្ហានយោបាយកំពុងតានតឹង [...]

កុមារដែលចូលចិត្ដបច្ចេកវិទ្យាថ្មីៗនេះ មានបំណងចង់ឲ្យមិត្តភ័ក្រ និងគ្រូរបស់ខ្លួននៅសាលា ដឹងពីស្នាដៃ​បង្កើត​ថ្មីរបស់ខ្លួន។ ប៉ុន្តែអ្នកទាំងនោះ បែរជារាយការណ៍ ទៅប្រាប់នគរបាលទៅវិញ។ កុមារ អាមេដ មហាមេដ (Ahmed Mohamed) សិស្សវិទ្យាល័យអាយុ១៤ឆ្នាំមួយរូប ត្រូវបាននគរបាលឃាត់ខ្លួន នៅភាគខាងត្បូង សហរដ្ឋ​អាមេរិក បន្ទាប់ពីកងកម្លាំងនគរបាលទាំងនោះ បានចោទកុមាររូបនេះថា បានផ្គុំឲ្យមានជា​គ្រាប់​បែក​ឡើង។ ប៉ុន្តែតាមពិតទៅ នោះជានាឡិកា ឌីជីថល មួយប្រភេទ ដែលជាស្នាដៃឆ្នៃប្រឌិត របស់កុមារខ្លួនឯង។ រឿងរ៉ាវ បានជំរុញឲ្យប្រធានាធិបតីអាមេរិក លោក បារ៉ាក់ អូបាម៉ា (Barack Obama) លូកដៃបញ្ចេញប្រតិកម្ម។

សិស្ស អាដមេដ មហាមេដ បាននាំគ្រឿងបច្ចេកវិទ្យា កែឆ្នៃថ្មីរបស់ខ្លួន មកសាលារៀន នៅថ្ងៃទី១៣ ខែកញ្ញា ក្នុងនោះមានអេក្រង់មួយ និងប្រព័ន្ធអេឡិចត្រូនិក មួយផ្សេងទៀត។ កុមារចង់បង្ហាញ ការបង្កើតថ្មីរបស់ខ្លួន ប្រាប់​​ទៅគ្រូបង្រៀន [...]