Posts in ‘អត្ថបទមានវីដេអូ’ Category

សេចក្ដីសម្រេចជាផ្លូវការ ត្រូវបានប្រកាសឲ្យដឹងហើយ ស្ដីពីទីក្រុង ឬរដ្ឋធានី នៃប្រទេសណាមួយ ដែលត្រូវទទួលភារៈ ជាម្ចាស់ផ្ទះ សម្រាប់ព្រឹត្តិការណ៍ កីឡាអូឡាំពិកពិភពលោក ក្នុងឆ្នាំ២០២៤ និងក្នុងឆ្នាំ២០២៨ ខាងមុខ។ គណៈកម្មាធិការអន្តរជាតិ នៃកីឡាអូឡាំពិក បានសម្រេចដោយការលើកដៃ ជាឯកច្ឆន្ទ ក្នុងរដ្ឋធានី លីម៉ា (ប្រទេសប៉េរូ) ក្នុងថ្ងៃទី១៣ ខែកញ្ញានេះ ផ្ដល់ការទុកចិត្ត ទៅឲ្យរដ្ឋធានី ប៉ារីស ប្រទេសបារាំង និងទីក្រុង ឡូសអេនជឺឡេស សហរដ្ឋអាមេរិក ក្នុងភារៈ​ធ្វើជាម្ចាស់ផ្ទះ ក្នុងព្រឹត្តិការណ៍៤ឆ្នាំម្ដងរបស់ខ្លួន សម្រាប់ឆ្នាំ២០២៤ និងឆ្នាំ២០២៨ខាងមុខ។

ការសម្រេចនេះ ត្រូវបានលោក តូម៉ាស បាច () ប្រធានគណៈកម្មាធិការអន្តរជាតិ នៃកីឡាអូឡាំពិក វាយតម្លៃថា មានលក្ខណៈជា«ប្រវត្តិសាស្ត្រ»។ លោកបានពន្យល់ពីមូលហេតុថា សម្រាប់រដ្ឋធានីប៉ារីស ដែលទទួលបរាជ័យ ក្នុងការដណ្ដើមរៀបចំកីឡានេះ បីដងមកហើយនោះ វាជាការរំលឹក ពីប្រវត្តជាងមួយសតវត្សន៍ [...]

ការជួបជុំគ្នានោះ ត្រូវបានក្រុមអ្នករៀបចំបាតុកម្ម អះអាងពីមុនថា មានចំនួនអ្នកចូលរួម មិនតិចជាង ៥០០នាក់ (៧០០នាក់ បើតាមការអះអាង របស់អ្នករៀបចំបាតុកម្ម នៅល្ងាចថ្ងៃសៅរ៍) ខណៈអ្នកឃ្លាំមើលឯករាជ្យ អះអាងថា អ្នកចូលរួមទំនងជាមានចំនួន ពីរដងតិចជាងការអះអាងខាងលើ។ ក្រុមបាតុករ ដែលមានទាំងព្រះសង្ឃ និងគ្រហស មានទាំងពលរដ្ឋខ្មែរ ពលរដ្ឋបរទេស​ដែល​មានដើមកំណើតខ្មែរ និងមិត្តបរទេសផង បានប្រមូលគ្នីគ្នា ចាប់ពីវេលាម៉ោង១៤មក នៅក្រោមតំណងទឹកភ្លៀង រលឹមស្រោចស្រព នៅលើទីលាន«សិទ្ធិមនុស្ស» នៃវិមានត្រូកាដេរ៉ូ (Trocadéro) ខាងមុខតួអេហ្វែល (Tour Eiffel) កណ្ដាលរដ្ឋធានីប៉ារីស ប្រទេសបារាំង។

បំណងសំខាន់ៗចំនួន៣ ត្រូវបានក្រុមបាតុករលើកឡើង ក្នុងនោះមានការទាមទារ ឲ្យរដ្ឋាភិបាលលោក ហ៊ុន សែន គោរពកិច្ចព្រមព្រៀងទីក្រុងប៉ារីស ២៣ តុលា ឆ្នាំ១៩៩១ គោរពរដ្ឋធម្មនុញ្ញកម្ពុជា ដែលជាច្បាប់កំពូលរបស់ប្រទេស និងទាមទារ ឲ្យដោះលែងលោក កឹម សុខា [...]

«អ្នកដែលបានធ្វើសេចក្ដីថ្លែងការណ៍ ដើម្បីការពារនូវជននេះ គឺវាគ្រាន់តែជាការការពារ អាយ៉ងរបស់ខ្លួន ឲ្យរួចផុតពីការចោទប្រកាន់ តែប៉ុណ្ណោះ» លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា បានថ្លែងខ្លាំងៗយ៉ាងដូច្នេះ សំដៅទៅសហរដ្ឋអាមេរិក ដែលលោកចាត់ទុកថា បាននៅពីក្រោយលោក កឹម សុខា ប្រធានគណបក្សសង្គ្រោះជាតិ ដើម្បីធ្វើគម្រោងការមួយ ដែលបុរសខ្លាំងកម្ពុជា អះអាងថា ជាគម្រោងការដើម្បីបំផ្លិចបំផ្លាញកម្ពុជា។

កាលពីល្ងាច​ម្សិលម៉ិញ សហរដ្ឋអាមេរិក តាមរយៈសម្លេង របស់អ្នកនាំពាក្យក្រសួងការបរទេស អ្នកស្រី «Heather Nauert» បានចេញសេចក្ដីថ្លែងការណ៍ សំដែងការព្រួយបារម្ភជាពន់ពេក នៅចំពោះការចាប់ខ្លួន លោក កឹម សុខា មេដឹកនាំគណបក្សប្រឆាំងធំជាងគេ នៅកម្ពុជា ដោយត្រូវបានធ្វើឡើង នៅយប់រំលងអាធ្រាត ចូលមកព្រឹកថ្ងៃទី៣ ខែកញ្ញា ឆ្នាំ២០១៧។ អ្នកស្រីបានហៅការចាប់ខ្លួននោះ ទំនងជាធ្វើឡើង នៅក្រោមហេតុផលនយោបាយ។ 

[...]

ម្ដងម្កាល អ្នកតាមដាន​បាល់ទាត់ មានឱកាសអាចផ្ទុះសំណើច រហូតដល់ថ្នាក់ហៀទឹកភ្នែក។ ហើយនេះ អាចជាឱកាសមួយទៀត នៃការការប្រកួតមួយ រវាងក្រុម «Ross County» និងក្រុម «Glasgow Rangers» កាលពីថ្ងៃអាទិត្យកន្លងមកនេះ នៅក្នុងប្រទេសស្កុតឡេន (ភាគខាងជើងអង់គ្លេស)។

នៅនាទីទី៤១ ខណៈពេលដែលខ្សែការពារ របស់ក្រុម «Ross County» បានទាត់បាល់ថយក្រោយ ត្រឡប់​មកឲ្យ​អ្នកចាំទីរបស់ខ្លួន កីឡាករ «Scott Fox» បានប្រើទេពកោសល្យរបស់ខ្លួន ដើម្បីទប់បាល់ និងបានបណ្ដាលឲ្យខ្សែប្រយុទ្ធ របស់ក្រុម «Glasgow Rangers» ដួលច្រងាប់ច្រងិល។ តែបន្ទាប់មក... ភាពសង្ហារបស់កីឡាករ «Scott Fox» បែជាប្រែហេតុការណ៍ ដ៏គួរឲ្យ«រំភើប»នោះ ក្លាយទៅជាហេតុការណ៍ ដ័គួរឲ្យ«រន្ធត់»ទៅវិញ សម្រាប់ក្រុម «Ross County»។

ព្រោះខ្សែប្រយុទ្ធគឺកីឡាករ «Afredo Morelos» ជាតិកូឡំប៊ី ដែលបានមកទាត់ឲ្យក្រុម «Glasgow Rangers» បានស្ទុះងើបឡើងយ៉ាងរហ័សរហួន មកដណ្ដើមបាល់ [...]

ក្រុមបាល់ទាត់ បាសឺឡូន (Barcelone) របស់ប្រទេសអេស្ប៉ាញ រកបានកីឡាករ មកជំនួសកីឡាករ ណីម៉ា (Neymar) ដែលបានចាកចេញ ទៅកាន់ក្រុមប៉ារីស (Paris Saint-Germain) ហើយឬ? ជំនួសបាន ឬមិនបាន គេត្រូវរង់ចាំមើលថ្វីជើង របស់កីឡាករ អ៊ូស្មាន ដាំបេឡេ (Ousmane Dembélé) អាយុ២០ឆ្នាំ ជាតិបារាំង ដែលទើបនឹងចុះហត្ថលេខា នៅលើកិច្ចសន្យារយៈពេល៥ឆ្នាំ ជាមួយនឹងក្រុម «អ្នកមានបុណ្យ» របស់ប្រទេសអេស្ប៉ាញ។

កីឡាករវ័យក្មេង នឹងត្រូវបង្ហាញខ្លួនជាផ្លូវការ នៅថ្ងៃចន្ទនេះ នៅចំពោះក្រុមអ្នកគាំទ្រ។ ទិញចេញពីក្រុម ដ័រមូន (Borussia Dortmund - អាល្លឺម៉ង់) កីឡាកររូបនេះ បានក្លាយជាកីឡាករ ដែលមានតម្លៃខ្លួនប្រមាណជា ១៤៥លានអ៊ឺរ៉ូ ថ្លៃជាងគេទីពីរ ក្នុងពិភពលោកបន្ទាប់ពីកីឡាករ ណីម៉ា ដែលបានបង់ប្រាក់រំលោះ កិច្ចសន្យាចាកចេញពីក្រុម បាសឺឡូន ចំនួន២២២លានអ៊ឺរ៉ូ កាលពីចុងខែកន្លងទៅ។ 

កីឡាករ ដាំបេឡេ នឹងពាក់អាវប្រកួត លេខ ១១ ដែលជាលេខអាវ របស់កីឡាករ [...]