Posts in ‘អត្ថបទមានវីដេអូ’ Category

លោក មាជ សុវណ្ណារ៉ា គ្មានទូរស័ព្ទដៃ ប្រើនៅក្នុងពន្ធនាគារទេ តែបើមានសម្ភារៈប្រើ គឺមានតែទូរទស្សន៍មួយគ្រឿង គ្រាន់នឹងទស្សនាកម្មវិធី របស់ស្ថានីយទូរទស្សន៍ក្នុងស្រុក តែប៉ុណ្ណោះ។ អ្នកស្រី មាជ ចេមី ភរិយាលោក មាជ សុវណ្ណារ៉ា បានថ្លែងអះអាងដូច្នេះ ពីសហរដ្ឋអាមេរិក ដើម្បីឆ្លើយតប ទៅនឹងការលើកឡើង របស់លោកនាយករដ្ឋមន្ត្រី ហ៊ុន សែន កាលពីថ្ងៃទី២៧ ខែមីនាកន្លងមកនេះ ដែលថាលោក មាជ សុវណ្ណារ៉ា កំពុងប្រើទូរស័ព្ទដៃ ពីពន្ធនាគារ ដើម្បីបង្ហោះសារនយោបាយ ប្រឆាំងរដ្ឋាភិបាល។

អ្នកស្រី មាជ ចេមី បានថ្លែងថា កាលពីដំបូងឡើយ ស្វាមីអ្នកស្រីមានទូរស័ព្ទប្រើ ប្រភេទ «N ចុចពិល» មួយមែន តែទូរស័ព្ទដ៏កញ្ចាស់មួយនេះ ត្រូវបានដកហូតចេញ តាំងពីយូរមកហើយ ហើយរហូតមកដល់ថ្ងៃនេះ ក្រុមគ្រួសារអ្នកស្រី ទាក់ទងគ្នាតាមរយៈ តែទូរស័ព្ទជញ្ជាំង (ទូរស័ព្ទខ្សែលើតុ) [...]

គ្រូពេទ្យពីរនាក់ ដែលជាប់ទាក់ទង នៅក្នុងរឿងអាស្រូវ ត្រូវបានព្យួរពីការងារ ហើយការស៊ើបអង្កេតមួយ ក៏ត្រូវបានបើកធ្វើដែរ បន្ទាប់ពីជើងមួយកំណាត់ របស់អ្នកជំងឺ ត្រូវបានយកមកឲ្យ អ្នកជំងឺខ្លួនឯងកើយជំនួសខ្នើយ។ នេះ បើតាមការការប្រកាស របស់អ្នកទទួលខុសត្រូវ ផ្នែកសុខាភិបាលតំបន់ ក្នុងសប្ដាហ៍នេះ។

លោក «Sadhna Kaushik» អ្នកទទួលខុសត្រូវ របស់មន្ទីរពេទ្យ «Maharani Laxmibai» ដែលស្ថិតក្នុងក្រុង «Jhansi» ភាគកណ្ដាលនៃប្រទេសឥណ្ឌា បានថ្លែងឡើងថា៖ «យើងបានបង្កើតគណៈកម្មការមួយ ដែលមានសមាជិក៤នាក់ ដើម្បីស្វែងរកនរណា ដែលបានយកជើងមួយកំណាត់នេះ មកឲ្យអ្នកជំងឺកើយ»។

អ្នកទទួលខុសត្រូវរូបនេះ បានបន្តថា៖ «យើងនឹងចាត់វិធានការ ដ៏ហ្មឺងម៉ាត់ ប្រសិនជាករណីនេះ ជាកំហុសរបស់បុគ្គលិក»។

រូបភាពជាវីដេអូមួយ ត្រូវបានបង្ហោះនៅលើបណ្ដាញសង្គម និងបង្ហាញថា អ្នកជំងឺម្នាក់​កំពុងដេកស្ដូកស្ដឹង នៅលើគ្រែអ្នកជំងឺ [...]

មានទិសដៅ ក្នុងការជំរុញឱ្យនិស្សិត-សាស្ត្រាចារ្យកម្ពុជា ងាកមកផ្តោតការយកចិត្តទុកដាក់ ទៅលើការស្រាវជា្រវ ដើម្បីអភិវឌ្ឍប្រទេសជាតិ ទិវាស្រាវជ្រាវ បារាំង-កម្ពុជា នឹងបង្កើតឱកាស នៃការជួបជុំគ្នា និងចងក្រងបណ្តាញ រវាងតួអង្គមកពីគ្រប់មជ្ឈដ្ឋាន ដូចជានិស្សិត អ្នកស្រាវជ្រាវ ស្ថាប័ន ក្រុមហ៊ុន... ។ ទិវានេះ នឹងប្រព្រឹត្តទៅក្នុងរយៈពេល ២ថ្ងៃ គឺនៅថ្ងៃទី២៩ ខែមីនានេះ និងថ្ងៃស្អែក ក្នុងវិទ្យាស្ថានបច្ចេកវិទ្យាកម្ពុជា។

ពិធីបើកទិវានេះជាផ្លូវការ ត្រូវបានធ្វើឡើង ក្នុងព្រឹកថ្ងៃ២៩ ខែមីនានេះ ក្រោមវត្តមានរបស់អ្នកស្រី អេវ៉ា ង្វៀនប៊ិញ (Eva Nguyen Binh) ឯកអគ្គរដ្ឋទូតបារាំង ប្រចាំនៅកម្ពុជា ដោយមានការចូលរួមពីតំណាងអាជ្ញាធរកម្ពុជាជាច្រើនរូប។

សេចក្ដីប្រកាសព័ត៌មានមួយ របស់ស្ថានទូតបារាំងប្រចាំនៅកម្ពុជា បានឲ្យដឹងថា តាមរយ:ព្រឹត្តិការណ៍ខាងលើ សាធារណជនអាចស្វែងយល់ផងដែរ អំពីគម្រោងស្រាវជ្រាវនៅកម្ពុជា [...]