CPP និង CNRP កំពុងឲ្យសមាជិកថ្មី គ.ជ.ប មកបង្ហាញខ្លួន
បន្ទាប់ពីបញ្ចប់កិច្ចពិភាក្សាលើច្បាប់ គ.ជ.ប នៃក្រុមការងារបច្ចេកទេសនេះ ប្រមុខគណបក្សទាំងពីរ បានរៀបចំឲ្យមានតំណាងភាគីទាំងសងខាង ចូលទៅបង្ហាញខ្លួននាពេលខាងមុខ។ ការបង្ហាញខ្លួននោះ បេក្ខជនដែលត្រូវបានចាត់តាំង ដោយគណបក្សប្រជាជនកម្ពុជាចំនួន៤រូប គណបក្សសង្គ្រោះជាតិចំនួន៤រូប និងខាងសង្គមស៊ីវិលចំនួនមួយរូប។ នេះបើតាមការបញ្ជាក់ របស់មន្រ្តីជាន់ខ្ពស់មួយរូប របស់គណបក្សសង្គ្រោះជាតិ។
ប្រភពដដែលនេះបានបន្តថា ការបញ្ជូលបេក្ខជនទាំងប្រាំបួនរូបនេះ ក្រោយពីទទួលការបោះឆ្នោតគាំទ្រ ទៅលើបេក្ខភាពដោយគណបក្សទាំងពីរ ហើយក៏ត្រូវស្នើសុំការផ្តល់សេចក្តីទុកចិត្តពីរដ្ឋសភា។
មន្ត្រីរូបនោះ មិនបានបញ្ជាក់ពីពេលវេលា នៃការចូលបង្ហាញខ្លួនចំពោះមុខសភាទេ ប៉ុន្តែបានបញ្ជាក់ថា ក្នុងចំណោមបេក្ខជន ដែលត្រូវមកឈរឈ្មោះ ជាសមាជិក គ.ជ.ប [...]