អនុប្រធាន CNRP ថាការដោះលែង ហុង សុខហួរ ព្រោះមាន«សម្ពាធ»
«មិនមែន នៅសុខៗ ស្រាប់តែគេមកដោះលែង លោក ហុង សុខហួរ នោះទេ» នេះជាការលើកឡើងរបស់លោក អេង ឆៃអ៊ាង អនុប្រធានគណបក្សសង្គ្រោះជាតិ នៅមុននេះបន្តិច ដើម្បីភ្ជាប់ទៅនឹងការសាទររបស់លោក ក្នុងការដោះលែងអតីតសមាជិកព្រឹទ្ធសភា មកពីគណបក្សសម រង្ស៊ី (បច្ចុប្បន្នជាគណបក្សភ្លើងទៀន) បន្ទាប់ពីមន្ត្រីជាន់ខ្ពស់គណបក្សប្រឆាំងរូបនេះ បានជាប់នៅក្នុងពន្ធនាគារ អស់រយៈពេល ជាង២ឆ្នាំកន្លងមក។
លោក ហុង សុខហួរ ត្រូវបានព្រះមហាក្សត្រព្រះរាជទានលើកលែងទោស តាមរយៈព្រះរាជក្រឹត្យមួយ ចេញនៅថ្ងៃនេះ ទៅតាមការស្នើរសុំ ពីលោកនាយករដ្ឋមន្ត្រី ហ៊ុន សែន។ ការលើកលែង និងការដោះលែងនេះ ធ្វើឡើងនៅប៉ុន្មានថ្ងៃ ក្រោយលិខិតសុំទោសលោក ហ៊ុន សែន មួយច្បាប់ ដែលត្រូវបានលោក ហុង សុងហួរ ចុះហត្ថលេខាពីក្នុងពន្ធនាគារ ដោយបង្ហាញពីការសោកស្ដាយរបស់លោក ក្នុងការ«ប្រព្រឹត្តិមិនត្រឹមត្រូវ» ទៅនឹងនយោបាយ របស់លោកនាយករដ្ឋមន្ត្រី ហ៊ុន សែន ជុំវិញការបោះបង្គោលព្រំដែន [...]
