ប៉ារីស៖ មនុស្សរាប់ពាន់នាក់«កាន់ដៃបន្តគ្នា» ប្រឆាំងនុយក្លេអ៊ែរ
មនុស្សរាប់ពាន់នាក់ រួមទាំងមនុស្សធម្មតា និងសកម្មជនផង បានណាត់ជួបគ្នានៅជុំវិញទីធ្លាសំខាន់ៗ ក្នុងទីក្រុងប៉ារីស និងកាន់ដៃគ្នាជាខ្សែរបន្ដៗ ដើម្បីទាមទារអោយមានការបញ្ឈប់អោយអស់ទៅ នូវ«កម្មវិធីនុយក្លេអ៊ែរ» ទាំងផ្នែកស៊ីវីល និងខាងយោធា។
ពួកគេសង្ឃឹមថា នឹងប្រមែប្រមូលគ្នាយ៉ាងហោចណាស់ មនុស្សជាង១០ពាន់នាក់ ដូចកាលពីឆ្នាំមុន។ ដោយមានការរៀបចំចាត់ចែង ពីបណ្ដាញ«ចេញពីនុយក្លេអ៊ែរ (Sortir du nucléaire)» នោះផង ក្រុមអ្នកស្មោះស្ម័គ្របានកំណត់យកថ្ងៃសៅរ៍ទី០៩ខែមិនា ដើម្បីធ្វើជា«ខ្សែរមនុស្សបណ្ដាក់» នៅ១៨កន្លែងខុសគ្នា ក្នុងទីក្រុងប៉ារីស។ បុព្វហេតុរបស់ពួកគេ «ទាមទារអោយបញ្ឈប់ទៅ នូវការផលិតអគ្គិសនី ដោយប្រើប្រាស់ថាមពលនុយក្លេអ៊ែរ» នៅក្នុងប្រទេសបារាំង។ ចលនានេះ បានកើតឡើង បន្ទាប់ពីមានគ្រោះមហន្តរាយដ៏ធំ [...]