Posts tagged as "World Cup 2018"

ក្រុមជម្រើសជាតិអេស្ប៉ាញ កំពុងរងឥទ្ធិពល «ព្យុះសង្ឃរា» ដែលកើតចេញ ពីក្រុម រៀលម៉ាឌ្រីត (Real Madrid)។ គ្រូដឹកនាំក្រុមជម្រើសជាតិ លោក «Julen Lopetegui» ត្រូវបានបណ្ដេញចេញ​ពីតំណែង នៅថ្ងៃនេះបន្ទាប់ពីលោក បានទៅចុះកិច្ចសន្យាស្ងាត់ៗ ជាមួយក្រុម រៀល ដើម្បីក្លាយជាគ្រូបង្វឹករបស់ក្រុមនេះ នៅក្រោយព្រឹត្តិការណ៍បាល់ទាត់ពិភពលោក ឆ្នាំ២០១៨នេះ។ ក្រុមរៀល បានប្រកាសពីដំណឹងនេះ ជាផ្លូវការ កាលពីថ្ងៃអង្គារម្សិលម៉ិញ។

តំណែងរបស់លោក «Julen Lopetegui» ត្រូវបានជំនួស នៅប៉ុន្មាននាទីក្រោយមក ដោយលោក «Fernando Hierro» ដែលត្រូវបានសហព័ន្ធបាល់ទាត់ នៃប្រទេសអេស្ប៉ាញ តែងតាំងជាផ្លូវការ ឲ្យមកដឹកនាំក្រុមជម្រើសជាតិអេស្ប៉ាញ ចាប់ពីថ្ងៃនេះតទៅ។

ការបណ្ដេញលោក «Julen Lopetegui» ចេញពីតំណែង ត្រូវបានប្រកាសដោយផ្ទាល់ ចេញពីមាត់របស់លោក «Luis Rubiales» ប្រធានសហព័ន្ធបាល់ទាត់អេស្ប៉ាញ កាលពីប៉ុន្មានម៉ោងមុននេះ [...]

ព្រឹត្តិការណ៍បាល់ទាត់ពិភពលោក ឆ្នាំ២០១៨ នៅក្នុងប្រទេសរ៉ូស្ស៊ី នឹងចាប់ផ្ដើមបើកប្រកួត នៅថ្ងៃទី១៤ ខែមិថុនា ឆាប់ៗខាងមុខនេះហើយ ខណៈក្រុមបាល់ទាត់ជម្រើសជាតិ ដែលទទួលបានសំបុត្រ ឡើងទៅទាត់នៅលើទឹកដី នៃប្រទេសមួយ ដែលមានផ្ទៃក្រឡាធំជាងគេក្នុងលោក ក៏កំពុងដុសខាត់​សំលៀងបច្ចេកទេស ទៅតាមក្រុមរៀងៗខ្លួនដែរ។

ចុះចម្រៀងផ្លូវការ របស់ព្រឹត្តិការណ៍ដ៏ធំមួយនេះ មានទិដ្ឋភាពបែបម៉េចទៅ? បន្ទាប់ពីត្រូវបានបង្ហើបចេញ ជាច្រើនទម្រង់ ទៅតាមពាក្យចចាមអារាមជាច្រើននោះ ចម្រៀងនេះ ទើបតែត្រូវបានទម្លាយ ចេញឲ្យដឹង កាលពីចុងខែឧសភា មុននេះប៉ុណ្ណោះ។ ចំណងជើងចម្រៀង ត្រូវបានសរសេរ​ជាភាសាអង់គ្លេសថា «Live it up» មានន័យជាខេមរភាសា «ចូររីករាយ ឲ្យបានខ្លាំងឡើង»។

ចម្រៀងនេះ ត្រូវបានតម្លើងទំនុកបទភ្លេង និងបកស្រាយដោយ តារាភាពយន្ដ និងជាសមិទ្ធិករភាពយន្ដ នៅហូលីវូដ លោក «Will Smith» - អ្នកឆ្នៃចាក់ភ្លេង លោក «DJ Nicky Jam» [...]

ជាការវិលត្រឡប់ ចូលទីលានប្រកួតវិញ ដែលបង្កភាពភ្ញាក់ផ្អើលមិនតិចទេ ជាពិសេសភ្ញាក់ផ្អើល សម្រាប់គ្រូដឹកនាំ​ក្រុមប្រេស៊ីល​នោះ​តែម្ដង។ បន្ទាប់ពីអវត្តមាន ពីពិភពបាល់ទាត់ អស់រយៈពេលជាង៣ខែកន្លងមក កីឡាករ ណីម៉ា (Neymar) បានវិលត្រឡប់មកចូលទាត់ ក្នុងការប្រកួតមិត្តភាព រវាងក្រុមជម្រើសជាតិ ប្រេស៊ីល និងក្រូអាស៊ី កាលពីល្ងាចថ្ងៃអាទិត្យនេះ និងថែមទាំងរកគ្រាប់បាល់ បានមួយគ្រាប់ទៀត។

ក្នុងការប្រកួតត្រៀម ដើម្បីឡើងទៅ បាល់ទាត់ពិភពលោក ឆ្នាំ២០១៨មួយនេះ គ្រូដឹកនាំ​របស់​ក្រុមជម្រើសជាតិប្រេស៊ីល ពិតជាត្រូវសាកល្បង ពីថ្វីជើងរបស់​កំពូល​កីឡាករ ខ្សែប្រយុទ្ធរបស់ខ្លួន ហើយក៏មិនចង់ឲ្យកីឡាករ រងរបួសទៅវិញ ដោយសារការសាកល្បង​នេះដែរ។ ដោយហេតុនេះ​ហើយ ទើបកីឡាករ ណីម៉ា ត្រូវបានអនុញ្ញាត​ឲ្យចូលទាត់ ចាប់ពីពាក់កណ្ដាលម៉ោង​ទី២ទៅ​។

ប៉ុន្តែអ្វី ដែលនឹកស្មាន​មិនដល់ សម្រាប់លោក ទីតេ (Tite) គ្រូដឹកនាំក្រុម ប្រេស៊ីល នោះ គឺកីឡាករ [...]

បន្ទាប់ពីបានឃ្លាតឆ្ងាយ ពីការប្រកួតចាប់ពីចុងខែកុម្ភៈមកនោះ កីឡាករ ណីម៉ា (Neymar) កំពូលខ្សែប្រយុទ្ធជាតិប្រេស៊ីល នឹងវិលចូលមកក្នុងការប្រកួតវិញ នៅថ្ងៃនេះ។ វាជាការប្រកួត រវាងក្រុមជម្រើសជាតិប្រេស៊ីល និងក្រូអាស៊ី ដែលមានលក្ខណៈជាមិត្តភាព និងជាការប្រកួតត្រៀម​ សម្រាប់ព្រឹត្តិការណ៍ បាល់ទាត់ពិភពលោក ឆ្នាំ២០១៨។

ប៉ុន្តែកីឡាករ នឹងមិនចាប់ផ្ដើម ពីនាទីដំបូងនោះទេ។ លោក ទីតេ (Tite) គ្រូក្រុមជម្រើសជាតិ ប្រេស៊ីល បានថ្លែងឲ្យដឹង ក្នុងសន្និសីទកាសែត នៅថ្ងៃសៅរ៍ម្សិលម៉ិញ ថាកីឡាករ ណីម៉ា នឹងចូលទាត់ នៅក្នុងពាក់កណ្ដាលម៉ោងទី២ នៃការប្រកួត។

គ្រូដឹកនាំក្រុមប្រេស៊ីលរូបនេះ បានថ្លែងថា៖ «ណីម៉ា នឹងចាប់ផ្ដើមដំបូង ដោយអង្គុយ​នៅលើកៅអី ជាកីឡាករជំនួសសិន ដោយហេតុថា កីឡាករកំពុងស្ថិតក្នុងរយៈពេល នៃការចូលមកទាត់ឡើងវិញ។ កីឡាករនឹងចូលទាត់ នៅវគ្គទីពីរនៃការប្រកួត ព្រោះវាជាការសាកល្បងមួយ សម្រាប់ក្រុមទាំងមូល។»។

ដូចគេបានធ្លាប់ស្គាល់ហើយ ថាលោក បូរីស ចនសុន (Boris Johnson) ដែលកំពុងកាន់តំណែង ជារដ្ឋមន្ត្រីការបរទេស នៃចក្រភពអង់គ្លេស មិនមែនជាអ្នកនយោបាយ ដែលលាក់អណ្ដាតទុក នៅក្រោយធ្មេញនោះទេ។ នៅចំពោះភាពតានតឹង ដែលកំពុងកើតមាន រវាងប្រទេសលោក និងប្រទេសរ៉ូស្ស៊ីនោះ លោករដ្ឋមន្ត្រីបានចេញ មក​«ច្រូចសាំង​បន្ថែម​លើ​ភ្លើង» ដោយប្រៀបធៀប ការប្រកួតកីឡាបាល់ទាត់ពិភពលោក ឆ្នាំ២០១៨ នាប៉ុន្មានខែខាងមុខ នៅក្នុងប្រទេសរ៉ូស្ស៊ី ថាដូចគ្នានឹងព្រឹត្តិការណ៍ ប្រកួតកីឡាកអូឡាំពិក ឆ្នាំ១៩៣៦ ក្នុងរដ្ឋធានីប៊ែរឡាំង ក្រោមការដឹកនាំរបស់លោក អាដុលហ្វ៍ ហ៊ីត្លែ (Adolf Hitler)។

នៅក្នុងសម័យកាលនោះ លោក ហ៊ីត្លែ បានឆ្លៀតឱកាស នៃព្រឹត្តិការណ៍ប្រកួតកីឡា ជាលក្ខណៈអន្តរជាតិ និងដ៏ធំមួយនេះ ដើម្បី«ឃោសនា» ពី​រូបភាព នៃរបបណាស៊ីនិយមរបស់ខ្លួន ប្រាប់ទៅពិភពលោក។

ឆ្លើយទៅនឹងសំនួរ របស់ក្រុមអ្នកតំណាងរាស្ត្រអង់គ្លេស នៅក្នុងអង្គប្រជុំរដ្ឋសភា កាលពីថ្ងៃពុធ [...]