ខណ្ឌចំការមនចុះបង្រ្កាបបនហ្គេមបីកន្លែង នៅទួលស្វាយព្រៃ
បនហ្គេមបីកន្លែង ក្នុងសង្កាត់ទួលស្វាយព្រៃទី២ ត្រូវបានក្រុមមន្ត្រីអាជ្ញាធរ របស់ខណ្ឌចំការមន សហការជាមួយ នឹងមន្ត្រីអាជ្ញាធរមូលដ្ឋាន ធ្វើការបង្ក្រាប បានជាស្ថាពរនៅថ្ងៃទី១ ខែធ្នូនេះ។ ប៉ុន្តែការចុះបង្ក្រាបនេះ មិនមែនទើបនឹងធ្វើឡើង ជាលើកទីមួយនោះទេ ដោយសារអាជ្ញាធរខ្លួនឯង បានទទួលស្គាល់ថា ការចុះបង្ក្រាបកាលពីលើកមុន បានទទួលបរាជ័យ។
តាមប្រសាសន៍ របស់លោក យ៉ុន ច័ន្ទ ចៅសង្កាត់ទួលស្វាយព្រៃទី០២ បានឲ្យដឹងថា នៅក្នុងខណ្ឌនីមួយៗ ក្នុងរាជធានីភ្នំពេញ មានកន្លែងប្រព្រឹត្តល្បែងស៊ីសងច្រើនណាស់។ លោកថា លើកនេះចុះបង្ក្រាបល្បែង បានសម្រេចបីកន្លែង ដោយសារកាលពីលើកមុន ទទួលបរាជ័យ។ លោកបានរំលឹកថា កាលពីមុន ខណ្ឌក៏បានសហការជាមួយសង្កាត់ដែរ តែកាលណោះ ពេលចុះទៅដល់កន្លែង ទីតាំងនោះត្រូវបានបិត ដោយសារម្ចាស់ទីតាំង បានដឹងខ្លួនជាមុន។
ដោយឡែក លើកនេះ ក្រុមអាជ្ញាធរបានចុះ ទៅទាន់ពេល ដែលទីតាំងទាំងទូហ្គេមបាញ់ត្រី [...]