នាយករដ្ឋមន្ត្រីជប៉ុនធ្វើទស្សនកិច្ចនៅកម្ពុជា ក្រោមក្រសែភ្នែកអង្គការសិទ្ធិមនុស្ស
នាយករដ្ឋមន្ត្រីជប៉ុន លោក ស៊ីនហ្សូ អាប៊េ (Shinzo Abe) បានមកដល់រាជធានីភ្នំពេញប្រទេសកម្ពុជា កាលពីរសៀលថ្ងៃសៅរ៍ទី១៦ខែវិច្ឆិកា ដើម្បីដំណើរទស្សនកិច្ចផ្លូវរដ្ឋ ក្នុងទិសដៅដើម្បីរឹតចំណង កិច្ចសហប្រតិបត្តិការវាងរប្រទេសទាំងពីរ ជប៉ុន-កម្ពុជា។ ខណៈមេដឹកនាំនៃមហាអំណាចសេដ្ឋកិច្ចនៅទ្វីបអាស៊ីរូបនេះ ត្រូវបានទទួលស្វាគមន៍ ដោយមេដឹកនាំជាន់ខ្ពស់នៅក្នុងប្រទេសកម្ពុជានោះ តែក៏ត្រូវរងនូវការរិះគន់យ៉ាងចាស់ដៃផងដែរ ពីសំណាក់ក្រុមអ្នកឃ្លាំមើលខាងផ្នែកសិទ្ធិមនុស្ស។
លោក ស៊ីនហ្សូ អាប៊េ នាយករដ្ឋមន្ត្រីជប៉ុន។ (រូបថត AFP/Getty Images/Yoshikazu Tsuno)
ការទូត - មេដឹកនាំនៃមហាអំណាចសេដ្ឋកិច្ចទីពីរ នៅទ្វីបអាស៊ីរូបនេះ ត្រូវបានទទួលស្វាគមន៍ ដោយរដ្ឋមន្ត្រីក្រសួងព័ត៌មានកម្ពុជា លោកខៀវ កាញារិទ្ធ [...]
