កឹម សុខា ត្រូវបញ្ជូនខ្លួនទៅឃុំ នៅពន្ធនាគារត្រពាំងផ្លុង
ប្រធានគណបក្សប្រឆាំងធំជាងគេ នៅក្នុងប្រទេសកម្ពុជា ត្រូវបានចាប់ខ្លួន និងបញ្ជូនទៅឃុំខ្លួន នៅឯពន្ធនាគារ«ត្រពាំងផ្លុង» ក្នុងខេត្តត្បូងឃ្មុំ ដែលមានចំងាយ ជិត២០០គីឡូម៉ែត ពីរាជាធានីភ្នំពេញ និងនៅមិនឆ្ងាយប៉ុន្មាន ពីព្រំដែន«ខ្មែរ-យួន»។ នេះ បើតាមការអះអាង របស់លោក ខៀវ សុភ័គ អ្នកនាំពាក្យក្រសួងមហាផ្ទៃ ដែលត្រូវបានស្រង់សំដី ដោយវិទ្យុអាស៊ីសេរីនៅមុននេះបន្តិច។
មេដឹកនាំប្រឆាំងនៅកម្ពុជារូបនេះ បានក្លាយជាអ្នកនយោបាយមួយរូបទៀត ដែលត្រូវបានបញ្ជូនទៅឃុំខ្លួន នៅទីនោះ នៅថ្ងៃទី៣ ខែកញ្ញា ឆ្នាំ២០១៧នេះ បន្ទាប់ពីលោក វន់ ពៅ ជាប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ និងមនុស្សចំនួន ជាង២០នាក់ទៀត ដែលត្រូវបានសមត្ថកិច្ច គ្រប់គ្រងដោយរដ្ឋាភិបាលគណបក្សប្រជាជនកម្ពុជា ចាប់និងបញ្ជូនខ្លួន ទៅដាក់ឃុំនៅពន្ធនាគារដដែលយ៉ាងតក់ក្រហល់ កាលពីដើមខែមករា ឆ្នាំ២០១៤។
លោកកឹម សុខា រួមនឹងអង្គរក្សរបស់លោក [...]
