Posts tagged as "Hun Sen"

នៅព្រឹកម៉ិញនេះ ក្នុងជំនួបជាមួយកម្មករ-កម្មការិនី ក្នុងស្រុកកៀនស្វាយ ខេត្តកណ្តាល លោក ហ៊ុន សែន បានលើកឡើងថា លោកបានឃើញ ឡេវអាវរបស់ស្ត្រី អ្នកគាំទ្រលោកម្នាក់ ទៅទាក់ជាមួយកអាវ របស់ស្ត្រីមួយទៀត។ អាចចាត់ទុក ថាជាករណីដ៏កម្រមួយ ដោយសារតែលោក ​មិនដែល​និយាយ​ដូច្នេះ ពីមុនមកទេ។

ដំបូងឡើយ នាយករដ្ឋមន្ត្រីចាំផ្ទះកម្ពុជា បានរៀបរាប់ថា លោកបានជាន់ជើងកម្មការិនី ណាម្នាក់ នៅក្នុងការចាប់ឱប-ថើប រវាងរូបលោក និងក្រុមកម្មការិនី ដែលលោកអះអាងថា ជាអ្នកគោរពស្រឡាញ់លោក។ បន្ទាប់មក លោក ហ៊ុន សែន បានថ្លែងបន្តថា៖ «រួចអាមួយទៀតនោះ ពូមើលឃើញច្បាស់ អាឡេវអាវរបស់នាងមួយនោះ ទៅជាប់ជាមួយនឹងកអាវ របស់នាងមួយទៀត»។

បុរសខ្លាំងកម្ពុជា មិនបានបញ្ជាក់លំអិត ថាលោកបានមើលឃើញ អ្វីផ្សេងទៀត បន្ថែមពីលើឡេវអាវ និងកអាវ របស់ស្ត្រីៗទាំងនោះទេ។ តែលោកបានអួតអាងថា លោកទទួលបាន ការរាប់អានខ្លាំងក្លាណាស់ ពីសំណាក់ក្រុមកម្មករ-កម្មការិនី [...]

កំណត់សម្គាល់ របស់ការិយាល័យនិពន្ធ៖ ទស្សនាវដ្ដីសូមធ្វើការលើកទឹកចិត្ត ដល់មិត្តអ្នកអានទាំងអស់ ដែលមានបំណងចង់ផ្ញើរ ជា​រូបថត វីដេអូ រូបគំនូរ អត្ថបទ​​ស្រាវជ្រាវ ប្រលោមលោក ល្បែង​កំសាន្ដ ល្បងប្រាជ្ញា ឬមតិយោបល់អ្វីក៏ដោយ ដែលបម្រើ​ដល់​ប្រយោជន៍​សង្គម ឬប្រយោជន៍សហគមន៍ មកទស្សនាវដ្ដី។ សូមថតជារូបថត វីដេអូ ឬសរសេរ​អត្ថបទ - ឯកសារ (ដោយ​ប្រើពុម្ពអក្សរខ្មែរ​យូនីកូដ "Khmer Unicode" ដាក់លើ Microsoft Word file) នូវស្នាដៃទាំងនោះ ផ្ញើរ​មកទស្សនាវដ្ដី​តាម​រយៈ ខ្សែភ្ជាប់នេះ (ចុចពីលើ) ឬតាមមែល [email protected]។

ការិយាល័យនិពន្ធរបស់ទស្សនាវដ្ដី នឹងទទួលអត្ថបទ ឬឯកសារទាំងនោះ ដោយក្ដីសោមនស្សរីករាយ និង​ធ្វើការ​​ពិនិត្យ​ចុះ​ផ្សាយជាបន្តបន្ទាប់ ជាពិសេស​ទស្សនាវដ្ដី [...]

អ្នកវិភាគនយោបាយ និងសង្គម លោក គឹម សុខ ដែលទើបចេញពន្ធនាគារ កាលពីសប្ដាហ៍មុន បន្ទាប់ពីលោកបានអនុវត្តទោស ១៨ ខែរួចរាល់នោះ អាចនឹងត្រូវលោក ហ៊ុន សែន ចាប់ដាក់ពន្ធនាគារឡើងវិញ ប្រសិនជាលោក ហ៊ុន សែន យល់ឃើញថា ការវិភាគរបស់លោក គឹម សុខ ប៉ះពាល់ដល់សិទ្ធិអ្នកដទៃ។

នាយករដ្ឋមន្ត្រីចាំផ្ទះកម្ពុជា បានថ្លែងដូច្នេះ ដោយមិនបញ្ចេញចំឈ្មោះ ក្នុងព្រឹកថ្ងៃព្រហស្បត្តិ៍ ទី២៣ ខែសីហានេះ នៅក្នុងពិធី​ជួប​ជាមួយ​កម្មករ-កម្មការិនីច្រើនពាន់នាក់ មកពីរោងចក្រ សហគ្រាចំនួន១២ នៅក្នុងស្រុកកៀនស្វាយ ខេត្តកណ្តាល។

លោក ហ៊ុន សែន បានថ្លែងថា៖ «ហើយអ្នក ដែលទើបចេញពីគុក ក៏កុំព្រហើនពេកដែរ។ កុំស្មានថា គេមិនហ៊ានចាប់បញ្ចូលគុកវិញ។ អាហ្នឹង គឺផ្លូវច្បាប់នៅកម្ពុជា ឬផ្លូវច្បាប់នៅលើពិភពលោក គេអត់បានហាមឃាត់ថា ជាប់គុកម្ដងរួចហើយ អត់ត្រូវជាប់គុកលើកទីពីរ ឬលើកទីបីនោះទេ។ តែប៉ះពាល់ដល់ច្បាប់ ច្បាប់ចាប់ទៀត កាត់ទោសទៀត ជាប់គុកទៀត។»។

«ខ្ញុំគ្រោងលើក [លែងទោស ចំនួន] ១២នាក់ផ្សេងទៀត» នេះ ជាការថ្លែងឲ្យដឹងរបស់លោក ហ៊ុន សែន នៅព្រឹកថ្ងៃព្រហស្បត្តិ៍នេះ ពីគម្រោងការរបស់លោក ក្នុងការលើកលែងទោស ជាលក្ខណៈទ្រង់ទ្រាយធំ ដល់ទណ្ឌិតមួយចំនួន ដែលកំពុងជាប់នៅក្នុងពន្ធនាគារ បន្ថែមពីលើការលើកលែងទោស ដែលធ្វើឡើងរួចកន្លងមក។

ថ្លែងនៅចំពោះ កម្មករ-កម្មការិនីច្រើនពាន់នាក់ មកពីរោងចក្រ សហគ្រាចំនួន១២ នៅក្នុងស្រុកកៀនស្វាយ ខេត្តកណ្តាល បុរសខ្លាំងកម្ពុជា ដែលកាន់អំណាច តាំងពីជាង៣ទសវត្សរ៍មកនោះ បានថ្លែងឡើងថា៖ «ខ្ញុំចង់ធ្វើការលើកលែងទោស ទ្រង់ទ្រាយធំ នៅពេលខាងមុខ មិនមែនគ្រាន់តែមនុស្សប៉ុន្មាននាក់ទេ ក៏ប៉ុន្តែខ្ញុំមានគោលដៅថា រដូវបុណ្យភ្ជុំ ឬរដូវបុណ្យអ៊ំទូក ឬបុណ្យឯករាជ្យ នៅឆ្នាំនេះ (...) យើងអាចដំណើរការលើកលែងទោស ទ្រង់ទ្រាយធំ ដើម្បីឲ្យពលរដ្ឋរបស់យើង ដែលជាប់ពន្ធនាគារនោះ មានឱកាសចេញមក ដើម្បីធ្វើការកែប្រែខ្លួនសារជាថ្មី»។

[...]

នៅចំពោះភាពស្ងៀមស្ងាត់ របស់គណៈកម្មការអ៊ឺរ៉ុប រាប់ចាប់តាំងពីប្រតិកម្មចុងក្រោយបំផុត របស់ស្ថាប័ននេះ ទៅនឹងការបោះឆ្នោតជាតិ ដ៏ចម្រូងចម្រាស នៅកម្ពុជា ថ្ងៃទី២៩ ខែកក្កដានោះមក សមាជិកសភាអ៊ឺរ៉ុបមួយរូប បានសម្រេចចិត្តធ្វើប្រតិកម្ម នៅថ្ងៃនេះ ដោយចោទសួរទៅកាន់អ្នកស្រី ហ្វេដឺរីកា ម៉ូហ្គេរីនី (Federica Mogherini) អនុប្រធានគណៈកម្មការអ៊ឺរ៉ុប / តំណាងជាន់ខ្ពស់នៃសហភាពអ៊ឺរ៉ុប ទទួលបន្ទុកកិច្ចការបរទេស និង​នយោបាយ​សន្តិសុខ ជុំវិញការព្យួរប្រព័ន្ធអនុគ្រោះពន្ធ «EBA» របស់សហភាពអ៊ឺរ៉ុប ដែលជាវិធានការឆ្លើយតប ជាយថាហេតុ ទៅនឹងការរំលោភសិទ្ធិមនុស្ស និងការធ្វើឲ្យខូចខាត ដល់លទ្ធិប្រជាធិបតេយ្យនៅកម្ពុជា។

លោក «Ramon Tremosa i Balcells» តំណាងរាស្ត្រអ៊ឺរ៉ុប មកពីប្រទេសអេស្ប៉ាញ បានចោទសួរ នូវសំណួរចំនួនពីរ ដើម្បីចង់ដឹង ពីការសម្រេចចិត្ត របស់គណៈកម្មការអ៊ឺរ៉ុប នៅចំពោះការបោះឆ្នោតជាតិ នៅកម្ពុជា និងជាពិសេស ពីសេចក្ដីសន្និដ្ឋាន [...]