កូរ៉េខាងជើង ទំនង​កំពុង​រៀបចំ​បាញ់​កាំជ្រួច​ថ្មី​ទៀត

ប្រទេសកូរ៉េខាងជើង ទំនងដូចជាត្រៀមរៀបចំ ការបាញ់សាកល្បងកាំជ្រួច ចម្ងាយឆ្ងាយមួយ នេះបើតាមរូបភាពចាប់ដោយ យុទ្ធនាការពាណិជ្ជកម្មខាងរូបភាព របស់ក្រុមហ៊ុន ឌីហ្សីថល គ្លប អ៊ីន។ ម្ចាស់យុទ្ធនាការនេះបាននិយាយថា «រូបភាពថ្មីៗទាំងនេះ បានបង្ហាញពីសកម្មភាពយ៉ាងរស់រវើកបន្ថែមទៀត នៅតំបន់ស៊ូអេ ផ្នែកពាយព្យនៃប្រទេស»។ តំបន់នេះធ្លាប់បានប្រើប្រាស់ ដើម្បីបាញ់សាកល្បងមិនបានសម្រេច កាលពីខែមេសាកន្លងទៅ នូវកាំជ្រួចមួយដែលប្រទេសនេះប្រកាសថា ដើម្បីកម្មវិធីស៊ីវិល។
Loading...
  • ដោយ: កេសរ កូល
  • កែប្រែចុងក្រោយ: November 27, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រូបភាពថតដោយ ប្រព័ន្ធផ្កាយរណប បានបង្ហាញពីការរៀបចំមួយ ដែលមានទម្រង់ដូចការរៀបចំបាញ់កាំជ្រួច កាលពីខែមេសា​កន្លងទៅ។


កូរ៉េខាងជើង ក្នុងពេលដែលកំពុងត្រៀមរៀបចំ បាញ់បង្ហោះកាំជ្រូចរបស់ខ្លួន។

«ប្រទេសកូរ៉េខាងជើង ទំនងដូចជាត្រៀមរៀបចំ ការបាញ់សាកល្បងកាំជ្រួច ចម្ងាយឆ្ងាយមួយ។» នេះបើតាមរូបភាពចាប់ដោយ យុទ្ធនាការពាណិជ្ជកម្មខាងរូបភាព របស់ក្រុមហ៊ុន ឌីហ្សីថល គ្លប អ៊ីន។ ម្ចាស់យុទ្ធនាការនេះបាននិយាយថា «រូបភាពថ្មីៗទាំងនេះ បានបង្ហាញពីសកម្មភាពយ៉ាងរស់រវើកបន្ថែមទៀត នៅតំបន់ស៊ូអេ ផ្នែកពាយព្យនៃប្រទេស»។ តំបន់នេះធ្លាប់បានប្រើប្រាស់ ដើម្បី​បាញ់សាកល្បងមិនបានសម្រេច កាលពីខែមេសាកន្លងទៅ នូវកាំជ្រួចមួយដែលប្រទេសនេះប្រកាសថា ដើម្បីកម្មវិធីស៊ីវិល។

ម្ចាស់យុទ្ធនាការបានបន្ថែមថា «បើតាមអ្វី ដែលជាលទ្ធផលនៃការសង្កេតនោះ ដូចជារថយន្ដធំៗ មនុស្ស និងរថយន្ដស៊ីទែនផ្សេងៗ ហើយបើកូរ៉េខាងជើងចង់ធ្វើ ប្រទេសនេះនឹងអាចធ្វើបាននូវ ការសាកល្បងលើកទីប្រាំរបស់ខ្លួន ក្នុងការបាញ់បង្ហោះផ្កាយរណប ពីនេះរហូតដល់ បីសប្ដាហ៍ខាងមុខ»។ តាមម្ចាស់យុទ្ធនាការ ការរៀបំរបៀបនេះ មានលក្ខណៈដូចគ្នានឹងសកម្មភាព ដែលបានធ្វើ​ កាលពីខែមេសាកន្លងមក។

កាលពីខែមេសា កាំជ្រួចសាកល្បង ដែលក្រុងព្យុងយ៉ាងថា ដើម្បីបង្ហោះផ្កាយរណប សម្រាប់ការប្រើប្រាស់ស៊ីវិលនោះ ត្រូវបានអ្នក​ជំនាញនៃលោកខាងលិចថា ជាកាំជ្រួចចម្ងាយឆ្ងាយ ដែលអាចបាញ់បានចម្ងាយ ៦ ៧០០គម។ សំរាប់ទីក្រុងសេអ៊ូល វ៉ាស៊ីនតោន និងសម្ព័ន្ធមិត្ត ការសាកល្បងកាំជ្រួចកាលពីខែមេសានេះ ជាជំហ៊ានថ្មីមួយ ក្នុងការភ្ជាប់ក្បាលកាំជ្រួចនេះ ទៅនឹងអាវុធនុយក្លេអ៊ែរ។ ប្រទេសកូរ៉េខាងជើង ខិតខំស្វែងរកមិនឈប់ឈរ​ តាំងពីររាប់ទស្សវត្តន៍មកហើយ ក្នុងការលើកស្ទួយបច្ចេកវិទ្យា ក្នុងវិស័យទាំងអស់​នេះ។ តែរាល់ការសាកល្បង របស់ខ្លួនម្ដងៗ មិនសូវជាមានលទ្ធផលល្អប៉ុន្មាននោះទេ។

ការបាញ់ សាកល្បង អាវុធនុយក្លេអ៊ែរ របស់ប្រទេសកូរ៉េខាងជើង កាលពីឆ្នាំ២០០៦ និង ២០០៩ កន្លងមក បានបង្កអោយមានការ​ដាក់ទណ្ឌកម្មយ៉ាងធ្ងន់ ពីសំណាក់ក្រុមប្រឹក្សាសន្តិសុខ របស់អង្គការសហរប្រជាជាតិ ទៅលើប្រទេសនេះ៕

-------------------------------------------------
ដោយ ៖ កេសរកូល - ភ្នំពេញ ថ្ងៃទី២៧ ខែវិច្ឆិកា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...