មិនទាន់ទាំងបានចេញផ្សាយ នៅនឹងកន្លែងលក់ទស្សនាវដ្ដីផង ទស្សនាវដ្ដី TIME បានធ្វើអោយគេនិយាយ ពីខ្លួនរូច ទៅហើយ។ ជារូបមួយនៅនឹង ទំព័រគ្របមុខរបស់ទស្សនាវដ្ដី ដែលនឹងត្រៀមចេញនៅចុងខែឧសភានេះ ហើយនៅក្នុង បណ្ដាញអាំងទើណែត អ្នកប្រើប្រាស់ទាំងឡាយបាន យករូបនេះមកកែប្រែ ទៅតាមការស្រមើស្រមៃរាងៗខ្លួន ហើយចុះ ផ្សាយ យ៉ាងព្រោងព្រាត។

រូបដែលគេនាំគ្នាយកមកកែប្រែ គឺជារូបម្ដាយមានវ័យក្មេងម្នាក់ កំពុងតែបំបៅកូនគាត់ ដែលមើលទៅដូចជាធំទៅហើយ។ អត្ថបទដែលទាក់ទងនឹងរឿងនេះ បាននិយាយសង្កត់ធ្ងន់ទៅលើទ្រឹស្ដី ដែលចងរវាងឪពុកម្ដាយនិងកូនរបស់ខ្លួន ហើយ ដើម្បីអនុវត្តបាននូវទ្រឹស្ដីនេះ ម្ដាយត្រូវផ្ដល់ទឹកដោះខ្លួន ទៅអោយទារកអោយបាន៦ខែយ៉ាងតិច ត្រូវមានការគេង រួមបន្ទប់ ជាមួយកូន និងត្រូវជួយបង្រៀនកូននៅផ្ទះជៀសជាងតែនៅសាលា។

អ្នកប្រើប្រាស់បណ្ដាញអាំងទើណែត បានយករូបភាពនេះទៅប្ដូរ ដាក់ជាតារាហូលឺវូតផ្សេងៗ ឬប្រធានាធិបតីអាមេរិចកាំង និងអ្នកខ្លះទៀតបានចោទជាសំនួរនៅលើរូបនេះថា តើអ្នកអស់សង្ឃឹមក្នុងការលក់ទស្សនាវដ្ដីឬ?

សូមអញ្ជើញទស្សនារូបទាំងនេះដូចខាងក្រោម៖

ដោយ ៖ មនោរម្យព័ងអាំងហ្វូ - ប៉ារីស ថ្ងៃទី ១៥ ខែឧសភា ២០១២