អ្នកវិភាគគ្មានជំនឿលើក្រុមប្រឹក្សាធម្មនុញ្ញ ជុំវិញការបណ្តេញសមាជិកសភានៃបក្សប្រឆាំង
ភ្នំពេញ៖ ក្ដីមន្ទិលបានកើតមានឡើងទៀត ស្ដីពីឯករាជ្យភាពនៃក្រុមប្រឹក្សាធម្មនុញ្ញ បន្ទាប់ពីរដ្ឋសភាកម្ពុជាបាន«បណ្ដេញ» សមាជិកនៃរដ្ឋសភា របស់អ្នកតំណាងរាស្ត្រចំនួន២៩រូប មកពីគណបក្សប្រឆាំងពីរ។ អ្នកតំណាងរាស្ត្រម្នាក់ ពីក្នុងចំណោមនោះ បានថ្លែងថាក្រុមលោក នឹងប្ដឹងឡើងទៅក្រុមប្រឹក្សាធម្មនុញ្ញ ដែលជាស្ថាប័នកំពូលរបស់ព្រះរាជាណាចក្រ។
ស្ថាប័នក្រុមប្រឹក្សាធម្មនុញ្ញ នៅក្នុងវិមានរដ្ឋចំការមន។ (រូបភាព ccc.gov.kh)
លោក សុន ឆ័យ អ្នកតំណាងរាស្ត្រម្នាក់មកពីគណបក្ស សម រង្សី ដែលជាគណបក្សប្រឆាំងមានតំណាងរាស្ត្រចំនួន២៦នាក់ ហើយត្រូវបានរដ្ឋសភាបណ្ដេញចេញនោះ បានសម្ដែងប្រតិកម្មថា «ខ្ញុំនៅតែជាតំណាងរាស្រ្តមួយស្របច្បាប់ ហើយគេយកច្បាប់មួយដែលមិនមានចែង មកអនុត្តន៍លើយើង។ [...]
