Posts in ‘ជុំវិញជីវិត’ Category

មានអាយុត្រឹមតែ១៧ឆ្នាំ កញ្ញា កានីថា ផាសឿង បានជាប់ជារាជនីសម្ផស្ស របស់ប្រទេសថៃ ឆ្នាំ២០១៥នេះ​ទៅហើយ។ ប៉ុន្តែកាយវិការរបស់នាង នៅចំពោះអ្នកមានគុណ បានធ្វើឲ្យអ្នកផងនិយាយពីនាង កាន់តែខ្លាំង​ថែមទៀត និងនៅពាសពេញពិភពលោក។ កាយវិការដែលប្រទេសមួយចំនួន នៅទ្វីបអាស៊ី ជាពិសេស​កម្ពុជា ចាត់ទុកថាមិនអាចខ្វះបាន សម្រាប់មនុស្សដែលខ្លួនគោរពខ្លាំង ដូចជា ម្ដាយឪពុកបង្កើត ព្រះសង្ឃ ឬព្រះ​មហាក្សត្រ​ជាដើម។

បន្ទាប់ពីបានឈ្នះម្កុដពេជ្រ គ្រប់គ្រងតំណែង ជាស្ត្រីកំពូលសម្រស់ នៃឆ្នាំ២០១៥នេះមក ម្ចាស់ជ័យលាភី​វ័យក្មេង បានវិលត្រឡប់ មកកាន់ស្រុកកំណើតរបស់នាងវិញ។ មានមូលហេតុអ្វី? គឺដើម្បីសម្ដែងគារវកិច្ច ដល់ស្ត្រីម្នាក់ ដែលបានបង្កើត ចិញ្ចឹម និងថែរក្សា ឲ្យកម្លាំងចិត្តនាង រហូតដល់វ័យប៉ុណ្ណេះ។ រូបថតរបស់​បវរកញ្ញា ដែលឃើញលុតជង្គង់ សំពះ និងអោនក្បាល ទៅដល់ចុងជើងម្ដាយ ត្រូវបានសារព័ត៌មាន​ប្រចាំ​ថ្ងៃ​អង់គ្លេស «Daily Mail» យកមកចុះផ្សាយ [...]

អ្នកស្រី ក្លែរ អេនដឺសុន (Claire Henderson) អ្នកម្ដាយវ័យក្មេងមួយរូប ដែលកំពុងនឹកស្ដាយក្រោយ បាន​បង្ហោះ​សារ«ព្រមាន»មួយ នៅលើគណនីហ្វេសប៊ុករបស់ខ្លួន ដើម្បីប្រាប់ដល់ម្ដាយឪពុក របស់ទារកដទៃទៀត ឲ្យ​ធ្វើការ​ហាមប្រាម កុំឲ្យនរណាម្នាក់ផ្សេង ក្រៅពីមនុស្សនៅក្នុងគ្រួសារ អោបថើបកូនខ្ចីរបស់ខ្លួន។

កូនរបស់នាង ទារិកា ប្រូគី (Brooke) បានចូលទៅសម្រាកពេទ្យ តាំងពី៥ថ្ងៃមកហើយ (បើគិតទៅនឹងថ្ងៃ ដែល​នាងបានបង្ហោះសារ នៅលើហ្វេសប៊ុក) ដោយសារអាការៈពងបែក រោលរាលនៅលើផ្ទៃមុខ បំពង់ករ និងនៅ​លើ​បបូរមាត់។ នាងតូចបានរងគ្រោះ ដោយសារមេរោគ អ៊ែរប៉េស (herpès simplex ឬគ្រុនពងបែក)  ដែលអាចធ្វើ​ឲ្យ​កុមារី ប្រូគី មានគ្រោះថ្នាក់ធ្ងន់ធ្ងរ (ដល់ជីវិត) បើព្យាបាលមិនទាន់។

រស់នៅក្នុងក្រុង «Doncaster» នៃចក្រភពអង់គ្លេស អ្នកស្រីបានពន្យល់ នៅលើទំព័រហ្វេសប៊ុករបស់ខ្លួនថា គ្រប់​មនុស្ស ដែលបានចាប់កូនរបស់នាង យកទៅ​អោប​ថើបនោះ សុទ្ធតែមនុស្សស្អាតល្អ [...]

ប៉ុន្តែទារក ចាសុន ទើបនឹងធ្វើបុណ្យខួបកំណើត ខួបមួយឆ្នាំរបស់ខ្លួន កាលពីខែសីហាកន្លងទៅ ជាមួយនឹង​មនុស្ស​ជាច្រើនពាន់ម៉ឺននាក់ នៅជុំវិញផែនដី។ ក្ដីសង្ឃឹម របស់ឪពុកម្ដាយនៅតែមាន ទោះបីជាពួកគេ បាន​ត្រៀម​ខ្លួនរួចហើយ ថាទារកអាចនឹងលាចាកចេញទៅ នៅថ្ងៃនេះ ឬថ្ងៃស្អែកក៏ដោយ។ នៅលើគេហទំព័រ «GoFundMe» គេ​ប្រមូល​មូលនិធិ ប្រមាណជាង ១២១ ពាន់ដុល្លាហើយ ដើម្បីអាចជួយសង្គ្រោះ ចាសុន។

ដើម្បីជាគារវកិច្ច ទៅមនុស្សរាប់សិបម៉ឺននាក់ ចំពោះការគាំទ្រ និងសុទ្ធាជ្រះថ្លានោះ អ្នកស្រី «Brittany» និង​លោក «Brandon Buell» ដែលជាម្ដាយឪពកទារក រស់នៅក្នុងទីក្រុង អ័ឡេនដូ (រដ្ឋផ្លរីដា សហរដ្ឋអាមេរិក) បានបង្ហោះនូវវីដេអូ ដ៏រំភើបមួយ របស់ទារក ចាសុន បង្ហាញឲ្យឃើញ ពីទារក ដែលទើបនឹងចេះនិយាយ ជា​មួយឪពុកម្ដាយ នូវពាក្យមួយម៉ាត់៖ «អាឡូ»។

វីដេអូនេះ ក៏ដើម្បីជាការឆ្លើយតប ទៅការរិះគន់ទាំងឡាយ ដែលនិយាយចោទម្ដាយឪពុក របស់ទារក មិន​ធ្វើ​ការពន្លូតទារកនេះចេញ [...]

ខ្យងជាសត្វមួយប្រភេទ ដែលមានស្នូកតូចកំប៉ាត មានកន្ទុយកន្ទប់ សម្បុរប្រហាក់ប្រហែលនឹងក្ដាមដែរ។ ប្រជាពលរដ្ឋនៅតាមជនបទ មួយចំនួនចូលចិត្តទទួលទាន «ខ្យង» ជាម្ហួបអាហារណាស់។ ចង់ដឹងថា ខ្យង​មានវិធីចំណិនអ្វីខ្លះ ហើយមួយណា មានភាពទាក់ទាញជាងគេនោះ សូមអានបទពិសោធន៍ អ្នកធ្វើ​អាម៉ុក​ខ្យងម្នាក់ ដែល្បីថាឆ្ងាញ់ ដូចខាងក្រោម។

អ្នកស្រី ផានី វ័យប្រមាណ៤០ឆ្នាំ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា គាត់ឧស្សាហ៍ធ្វើអាម៉ុក​ខ្យង​នេះហូប ជាលក្ខណៈគ្រូសារណាស់ ជាពិសេស នៅពេលរដូវមានខ្យងច្រើន អ្នកជិតខាងតែងតែ​សុំ​អ្នកស្រី ឲ្យ​ជួយប្រាប់វិធីធ្វើ ព្រោះពួកគេចង់ទទួលទាន អាម៉ុកខ្យងដែរ។ អ្នកស្រីបាននិយាយថា តាមពិតទៅ ខ្យងមានវិធី​ចំអិន​ច្រើនមុខណាស់ មិនខុសពីប្រភេទម្ហូបផ្សេងៗដែរ។ ក្នុងនោះមាន ស្ងោរ, ឆា, អាម៉ុក, ឬដុតជាដើម។ ការ​ធ្វើបែបនេះ អាស្រ័យទៅលើចំណង់ចំណូលចិត្ត អ្នកទទួលទាន។

អ្នកស្រីបានរៀបរាប់ ពីគ្រឿងគ្រៅ [...]

អ្នកស្រី ឡឹម សុឃិម ដែលជាម្តាយ​នៅក្នុងវ័យ៣៥ឆ្នាំ បានប្រាប់ទស្សនាវដ្តីមនោរម្យ.អាំងហ្វូ ទាំងទឹកមុខ​រីក​រាយថា គាត់មិននឹកស្មានថា កូនស្រីរបស់គាត់ឈ្មោះ ហេង លឹមចន្ទរក្សា ដែលទើបតែមានអាយុ ០៣សោះ តែនាងតូចចេះជួយ រំលែកការងារគាត់ បានច្រើនយ៉ាងនេះសោះ។ អ្នកស្រីបន្ថែមទៀតថា គាត់សប្បាយចិត្ត នៅពេលឃើញកូនស្រី ជាទីស្រឡាញចេះ និងមានអាកប្បកិរិយាល្អ តាំងពីតូចបែបនេះ។ ម្យ៉ាងវិញទៀត អ្នកស្រីក៏សប្បាយចិត្តដែរ នៅពេលដែលអ្នកជិតខាង​និយាយថា កូនរបស់ពួកគេ មានអាយុដំណាលនឹង​កុមារីដែរ តែមិនទាន់ចេះអ្វីទាំងអស់ នៅរត់លេងដូចក្មេងដ៏ទៃធម្មតា។

អ្នកស្រីប្រាប់ទៀតថា រក្សា អាចធ្វើការងារបានទាំងអស់ ក្រៅពីការងារធ្ងន់ៗមួយចំនួន។ កុមារីតូចរូបនេះ ចេះ​ជួយសំអាតចានឆ្នាំង និងកិច្ចការផ្ទះមួយចំនួនទៀត។ អ្នកស្រីបញ្ជាក់ថា រៀងរាល់ពេលធ្វើអ្វី ក៏កូនស្រី​រូប​នេះ​ស្រែកសួរសិនដែរ ថាអ្វីដែលនាងធ្វើ អាចទទួលយកបានឬនៅ។ ក្មេងតូចសួរម្តាយ ជាញ៉យៗថា៖ [...]