Cambodian Idol៖ សឿម សំនិត «You are still my idol»
ឆ្លងមកដល់វគ្គ Live show នៅថ្ងៃទី ២៧ ខែកញ្ញា ក្នុងសប្តាហ៍ទី៤នេះ ដែលជាវគ្គតម្រូវឲ្យបេក្ខជន និងបេក្ខនារីទាំង៨ រូប ត្រូវច្រៀងបទចម្រៀង របស់អ្នកស្រី ហ៊ឹម ស៊ីវននោះ បេក្ខជន សឿម សំនិត បានធ្លាក់ និងត្រូវចាកចេញ ពីកម្មវីធីនេះ ជាស្ថាពរ។
បេក្ខជនដែលមានវ័យ ២៥ឆ្នាំ មានដើមកំណើតនៅភ្នំពេញ បានបកស្រាយបទចម្រៀង មួយបទមានចំណងជើងថា «ម៉ឺនពាន់សន្យា» ដែលជាសំនៀងដើម របស់អ្នកស្រី ហ៊ឹម ស៊ីវន តែដោយ សារតែបេក្ខជនរូបនេះ មិនអាចទាក់ទាញ អ្នកផ្ងើសារគាំទ្របានច្រើន ទើបត្រូវចាកចេញ បើទោះជាអ្នកគាំទ្រ បេក្ខជន សឿម សំនិត ខិតខំអះអាងថា បេក្ខជនច្រៀងពិរោះ មិនសមនិងធ្លាក់នោះក៏ដោយ។
ក្រុមអ្នកគាំទ្រ បានធ្វើប្រតិកម្ម តាមបណ្ដាញសង្គមព្រោងព្រាត ដើម្បីបន្តការលើកទឹកចិត្ត ឲ្យបេក្ខជន។ តាមម្ចាស់គណនីឈ្មោះ«Mnus Eka»បានសរសេរថា៖ «ខ្ញុំស្ដាប់សម្លេងគាត់ល្អណាស់ ទោះពេលខ្លះមានកំហុសឆ្គងតិចតូច តែក៏នៅល្អ តែងតែមានស្នាមញញឹម [...]