Posts in ‘អត្ថបទមានវីដេអូ’ Category

នៅនឹងវីដេអូ ដែលទើបនឹងត្រូវបានយកមកបង្ហោះ កាលពីសប្ដាហ៍មុននេះ គេអាចអានចំណងជើងបានថា៖ «ពស់​ថ្លាន់ ដែលមានទទឺងខ្លួន ធំជាងគេបង្អស់ ក្នុងលោក»។ ពស់ថ្លាន់នេះ បានងាប់ហើយ តែវាត្រូវបានគេដឹក​តាម​រថយន្ដ​ដ៏ធំ ចេញពីតំបន់មួយ នៅក្នុងទ្វីបអាមេកខាងត្បូង។

ពស់ថ្លាន់យក្ស ដែលមានអាយុចាស់វស្សា មានបណ្ដោយវែងជាង ១០ម៉ែត្រ និងទទឹង វែងជាង១ម៉ែត្រ។ បើវា​នៅរស់វិញ តើនរណាម្នាក់ហ៊ានទៅក្បែរ?

នៅក្នុងវីដេអូមួយ ដែលត្រូវបានបង្ហោះ នៅលើគេហទំព័រយូធូប កាលពីពាក់កណ្ដាលសប្ដាហ៍មុន បាន​បង្ហាញ​ឲ្យ​ឃើញថា បុរសម្នាក់ដែលអង្គុយ នៅក្នុងរទេះរុញជនពិការ កំពុងត្រូវបាននគរបាលមួយក្រុម នៃក្រុង វៀលមីងតោន (Wilmington ក្នុងរដ្ឋ Delaware) បាញ់ប្រហារ។ នគរបាលបានពន្យល់ថា បន្ទាប់ពីទទួល​បាន​ការហៅ​ទូរស័ព្ទ ពីមនុស្សម្នាក់ដែលទំនង ជាមានរបួសនោះ ភ្នាក់ងារនគរបាលមួយក្រុមនេះ ត្រូវបានចាត់​ឲ្យ​ទៅ​កាន់​ទី​កន្លែង ហើយបានដឹងថា ជនដែលរងរបួសនោះ មានអាវុធជាប់នឹងខ្លួន។ នេះបើតាមការបញ្ជាក់ឲ្យដឹង ពី​បណ្ដាញ​ផ្សព្វ​ផ្សាយ​ក្នុង​តំបន់ ឈ្មោះ «NBC Philadelphia»។

សាក្សីម្នាក់ លោក សៀន អូវេន (Sean Owens) បានរៀបរាប់ថា៖ «ជនពិការបានដកកាំភ្លើង រឺវុលវ៉ែ ហើយ​បាន​ព្យាយាមសម្លាប់ខ្លួន។ ខ្ញុំគិតថា គាត់បានបាញ់ខ្លួនឯងម្ដង ឬពីរដង ប៉ុន្តែនៅមានការបាញ់ឡើងលើ ជាច្រើន​គ្រាប់​ទៀត។» វីដេអូដដែលបានថតឃើញ ភ្នាក់ងារនគរបាលម្នាក់ ដែលកាន់អាវុធ [...]

តើគេគួរអបអរ ការទាត់បញ្ចូលទី ដោយវិធីបែបណា? កីឡាករខ្លះ បានយកដៃធ្វើជាសញ្ញាបេះដូង ខ្លះទៀត​បាន​លើកអាវរបស់ខ្លួន ដែលមានរូបសញ្ញារបស់ក្រុម មកថើបជាដើម។ តែសម្រាប់ក្រុម «FC Starnan» របស់​ប្រទេស​អៀឡង់នេះវិញ បានធ្វើការអបអរ គ្រាប់បាល់របស់ពួកគេ យ៉ាងពិសេសៗ ហើយមានលក្ខណៈ ដូចជាការ​សម្ដែង​រួមគ្នាមួយ។

តើកីឡាករ ឬក្រុមណាមួយ ចង់ធ្វើតាមដូច្នេះឬទេ?

នៅលើដងវិថីដ៏តូចមួយ នៅក្នុងប្រទេសរ៉ូស្ស៊ី វិធីដោះស្រាយ នៃការកកស្ទះចរាចរណ៍មួយ (ដោយសារ​រថយន្ដ​មួយ ខូចនៅកណ្ដាលផ្លូវ) ត្រូវបានថតជាប់ ជាវីដេអូ ហើយយកមកបង្ហោះ នៅលើគេហទំព័រយូធូប ធ្វើឲ្យ​អ្នក​ទស្សនា មិនផ្ទុះសំណើចមិនបាន។ ផ្ទុះសំណើច ហើយហួសចិត្ត ព្រោះការគេចចេញ ពីការកកស្ទះនេះ ជា​ការ​ហោះ​ចេញ ពីកន្លែងកើតហេតុយ៉ាងស្រួល។

ប៉ុន្តែតាមពិតទៅ រូបភាពនេះ ត្រូវបានថតដោយ ម៉ាស៊ីនថតហោះហើរមួយ ដាក់នៅខាងមុខរថយន្ដ។ នៅ​ពេល​ដែល​រថយន្ដ បានមកដល់កន្លែងកកស្ទះ ម៉ាស៊ីនថតនេះ ត្រូវបានបញ្ជាឲ្យហោះឡើង ដែលមើលទៅ ដូច​ជា...៕

មុននឹងចូល ក្នុងទីលានប្រកួតបាល់ទាត់ គ្រប់កីឡាករទាំងអស់ សុទ្ធតែត្រូវបានអាជ្ញាកណ្ដាល ត្រួត​ពិនិត្យ​ជាមុន ថាមិនមានរបស់របរណាមួយ ដែលអាចបង្កគ្រោះថ្នាក់ ដល់កីឡាករផ្សេង និងរំខានដល់​ការប្រកួត​ឡើយ។ តែ​សំនួរ​ត្រូវសួរថា បើអាជ្ញាកណ្ដាល ជាអ្នកត្រួតពិនិត្យកីឡាករ ចុះនរណាជាអ្នកត្រួតពិនិត្យ អាជ្ញា​កណ្ដាល? តើ​ស្ថានការណ៍​ឈានដល់កម្រិតណា រហូតធ្វើឲ្យអាជ្ញាកណ្ដាលមួយរូប ចាំបាច់ត្រូវរកវិធី​ការពារ​ខ្លួន ដល់​ថ្នាក់​ដក​អាវុធ ចេញមកគម្រាមនោះ?

ហេតុការណ៍បានកើតឡើង មិននឹកស្មានដល់ កាលពីចុងសប្ដាហ៍នេះ រវាងការប្រកួត របស់ក្រុម «Brumadinho » និង «Amantes da Bola» នៅក្នុងប្រទេសប្រេស៊ីល។ បន្ទាប់ពីបានបណ្ដេញកីឡាករមួយរូប ចេញ​ពីការ​​ប្រកួត អាជ្ញាកណ្ដាលនៃការប្រកួតនេះ ត្រូវបានច្រានឲ្យដួល និងរងនូវការវាយដំ លើរាងកាយ ពី​សំណាក់​កីឡាករ​មួយ​ចំនួន។ ព្រឹត្តិការណ៍នេះ បានបង្ខំឲ្យអាជ្ញាកណ្ដាល បាត់បង់ឈាមត្រជាក់»របស់ខ្លួន [...]