ជិះម៉ូតូជាមួយសង្សា ត្រូវជនមិនស្គាល់មុខកាប់ របួសដេរ៥០ថ្នេរ
ជារឿយៗ គេតែងសង្កេតឃើញ មានករណីប្លន់ ទើបឈានដល់បង្ករបួសស្នាម។ តែករណីលើកនេះ ជនល្មើសបានបង្ករបួសស្នាមរួច បានរត់គេចខ្លួន ដោយមិនយកទ្រព្យសម្បត្តិ ពីជនរងគ្រោះទៅវិញ។
ករណីនេះ បានកើតទៅលើគូស្នេហ៍ពីរនាក់ ដែលត្រូវបានជនមិស្គាល់មុខកាប់ ជាច្រើនដាវ ទៅលើភាគីខាងប្រុស ខណៈដែលខ្លូន កំពុងជិះម៉ូតូឌុបសង្សា ចេញពីម្ដុំគិរីរម្យ ឆ្ពោះទៅម្ដុំសន្ធរមុខ តាមបណ្តោយផ្លូវ ព្រះសីហនុរាជ កែងផ្លូវលេខ១៥០ ជិតផ្សារដេប៉ូ។ បើតាមអ្នកឃើញហេតុការណ៍នេះ បានឲ្យដឹងថា ជនរងគ្រោះ ត្រូវបានជនមិនស្គាល់មុខពីរនាក់ ជិះម៉ូតូតាម រួចធ្វើសកម្មភាពកាប់ពីក្រោយ នឹងដាវ «សាម៉ូរ៉ៃ» ជាច្រើនដាវ កាលពីវេលាម៉ោង៨ និង១០ នាទីយប់ថ្ងៃទី០១ ខែមិថុនា ឆ្នាំ២០១៥នេះ ស្ថិតក្នុងខណ្ឌទួលគោក រាជធានីភ្នំពេញ។
តាមកោសល្យវិច័យ របស់នគរបាល បានឲ្យដឹងថា ជនរងគ្រោះឈ្មោះ លី ហៀង អាយុ១៧ឆ្នាំ ជាសិស្សនៅវិទ្យាល័យ ហ៊ុនសែនភ្នំពេញថ្មី ត្រូវរបួស ក្បាល៣កាំបិត ក [...]