Posts tagged as "Football"

បន្ទាប់ពីបានប្រកួត កាលពីល្ងាចថ្ងៃអាទិត្យម្សិលម៉ិញ យកឈ្នះលើក្រុម ក្រូអាស៊ី ដោយគ្រាប់បាល់ ៤-២  ក្រុមជើងឯកពិភពលោក និងជាម្ចាស់ពានមាស នឹងវិលត្រឡប់ ពីប្រទេសរ៉ុស្ស៊ី មកកាន់ប្រទេសបារាំងវិញ នៅរសៀលនេះ ដើម្បីជួបជាដំបូង ជាមួយអ្នកគាំទ្ររបស់ខ្លួន នៅតាមបណ្ដោយមហាវិថី ឆមអេសលីហ្សេ (Champs-Elysées) មុននឹងត្រូវបានទទួល ដោយប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នៅវិមានប្រធានាធិបតី អេលីហ្សេ។

យន្ដហោះ ដឹកក្រុមកីឡាករបារាំង នឹងចុះចតនៅព្រលានយន្ដហោះអន្តរជាតិ «Roissy-Charles-de-Gaulle» នៅវេលាម៉ោង ១៥ និង៥៥នាទី ម៉ោងក្នុងស្រុក។ បន្ទាប់មកនៅវេលាម៉ោង ១៧ និង៣០នាទី ក្រុមកីឡាករមាន់គក នឹងជិះនៅលើរថយន្ដក្រុង​បើកដំបូលមួយ នៅតាមដងផ្លូវដ៏ធំ និងដ៏ល្បី នៃរដ្ឋធានីប៉ារីស គឺមហាវិថី ឆមអេលីហ្សេ ដែលនឹងរង់ចាំទទួល ដោយក្រុមអ្នកគាំទ្រ រាប់សិបម៉ឺននាក់ (អាចដល់លាននាក់)។

ការជួបជាមួយអ្នកគាំទ្រ [...]

ក្ដីសុបិន្តបានសម្រេច ចេញជារូបរាង ជាលើកទីពីរ ២០ឆ្នាំក្រោយក្ដីសុបិន្តលើកទី១ ដែលកើតឡើង តាំងពីឆ្នាំ១៩៩៨កន្លងទៅ។ តើនរណាមួយមិនលោតសប្បាយ? ទាំងកីឡាករ ទាំងសហព័ន្ធបាល់ទាត់... ទាំងប្រធានាធិបតីបារាំង សុទ្ធតែមិនអាចទប់បានទេ ចំពោះជ័យជំនះដែលក្រុមបាល់ទាត់ជម្រើសជាតិ របស់ផងខ្លួន ទើបនឹងសម្រេចបាននេះ។

ខាងក្រោមនេះ ជាក្ដីអំណររបស់ពួកគេទាំងនោះ នៅលើបណ្ដាញសង្គម៖

MY LOVE pic.twitter.com/Ut72cZTLWU

— Kylian Mbappé (@KMbappe) 15 juillet 2018

CHAMPION DU MONDE !!!!

នៅក្នុងការប្រកួតវគ្គផ្ដាច់ព្រ័ត្រ រវាងក្រុមមាន់គក បារាំង និងក្រុម ក្រូអាស៊ី ល្ងាចថ្ងៃអាទិត្យទី ១៥ ខែកក្កដា ឆ្នាំ២០១៨ នាកីឡដ្ឋាននៃរដ្ឋធានី ម៉ូស្គូ ប្រទេសរ៉ូស្ស៊ី កីឡាករ គីលីយ៉ាន អឹមបាប៉េ (Kylian Mbappé) ខ្សែប្រយុទ្ធជាតិបារាំង រកបានបាល់មួយគ្រាប់ ឲ្យក្រុមជម្រើសជាតិរបស់ខ្លួន នៅនាទីទី ៦៥។ បាល់មួយគ្រាប់នោះ ត្រូវបានកីឡាករវ័យ ១៩ឆ្នាំរូបនេះ ទាត់ពីចំងាយជាង ២០ម៉ែត្រ ដាក់បញ្ចូលទីក្រូអាត ដ៏គួរឲ្យស្ងប់ស្ងែង។

នៅចំពោះគ្រាប់បាលនេះ លោក ប៉ឺឡេ បានចេញមកសរសើរកីឡករ នៅក្នុងពេលភ្លាមៗថា៖ «ទើបនឹងមានកីឡាករវ័យក្មេងម្នាក់ទៀត ដែលជាប់លេខពីរ បន្តពីខ្ញុំ ដែលបានរកគ្រាប់បាល់បាន នៅក្នុងការប្រកួតផ្ដាច់ព្រ័ត្រមួយ នៃបាល់ទាត់ពិភពលោក។ សូមស្វាគមន៍ គីលីយ៉ាន អឹមបាប៉េ មកក្នុងក្លឹប (Editor's note: លោក ប៉ឺឡេ ចង់និយាយ ពីក្លឹបនៃកីឡាករវ័យក្មេងបំផុត ដែលរកគ្រាប់បាល់បានដូច្នេះ និងដែលមានសមាជិក តែលោក ប៉ឺឡេ [...]

បន្ទាប់ពីបញ្ចប់ការប្រកួត​វគ្គផ្ដាច់ព្រ័ត្រ ក្នុងយប់ថ្ងៃអាទិត្យទី១៥ ខែកក្កដា ដែលលទ្ធផលនៅទីបំផុត គឺក្រុមជម្រើសជាតិបារាំង បានប្រកួតឈ្នះលើក្រុម ក្រូអាស៊ី ដោយគ្រាប់បាល់ ៤-២ នោះ កីឡាករពីរនាក់ ត្រូវបានជាប់ជាកំពូលកីឡាករ នៅក្នុងព្រឹត្តិការណ៍បាល់ទាត់ពិភពលោក ឆ្នាំ២០១៨ នេះ ក្នុងប្រទេសរ៉ូស្ស៊ី។

បើទោះជាក្រុមខ្លួន មិនឈ្នះបានពានក្ដី តែកីឡាករ លូកាស ម៉ូឌ្រីក (Luka Modrić) ខ្សែបម្រើជាតិក្រូអាត ត្រូវបានប្រកាស ឲ្យឡើងទទួល«បាល់មាស» ក្នុងនាមជាកំពូលកីឡាករ នៃព្រឹត្តិការណ៍ពិពលោក។ ខណៈកីឡាករ គីលីយ៉ាន អឹមបាប៉េ (Kylian Mbappé) ខ្សែប្រយុទ្ធបារាំងវិញ បានជាប់ជាកំពូលកីឡាករ ដែលមានវ័យក្មេងបំផុត នៃព្រឹត្តិការណ៍ពិភពលោក។ ជាមួយនឹងពានរង្វាន់ នៅក្នុងដៃ កីឡាករ អឹមបាប៉េ បានក្លាយជាកីឡាករ ដែលមានវ័យក្មេងជាងគេ [...]

ទោះបីក្រុមបាល់ទាត់អាមេរិក មិនមានវត្តមាន នៅក្នុងព្រឹត្តិការណ៍ពិភពលោក ឆ្នាំនេះនឹងគេក៏ដោយ តែប្រធានាធិបតី នៃប្រទេសមហាអំណាច បានឆ្លៀតឱកាស ក្នុងការលើកពានជ័យជំនះ របស់ក្រុមបាល់ទាត់​ជម្រើសជាតិ​បារាំង ដើម្បីសរសើរក្រុមបាល់ទាត់មាន់គក និងប្រទេសរ៉ុស្ស៊ី ដែលជាម្ចាស់ផ្ទះរៀបចំការប្រកួត។

លោក ដូណាល់ ត្រាំ (Donald Trump) បានសរសេរ​ នៅលើ​ទំព័រ​ទ្វីសធើរ​របស់លោក ជា​ភាសា​អង់គ្លេស ដែលមាន​សេចក្ដី​ជា​ខេមរភាសា​ថា៖ «អបអរសាទរក្រុមបាល់ទាត់បារាំង ដែលបានលេងបាល់ យ៉ាងអស្ចារ្យ រហូតបានឈ្នះពាន បាល់ទាត់ពិភពលោក ឆ្នាំ២០១៨»។

ប្រធានាធិបតីអាមេរិក បានបន្តថា៖ «សូមអបអរសាទរផងដែរ ចំពោះលោកប្រធានាធិបតី ពូទីន និងប្រទេសរ៉ុស្ស៊ី ដែលបានរៀបចំដោយជោគជ័យ ព្រឹត្តិការណ៍បាល់ទាត់ពិភពលោក ដ៏ធំមួយដូច្នេះ»។

កាលពីប៉ុន្មានម៉ោងមុន ក្រុមមាន់គកបារាំង បានប្រកួតយកឈ្នះ លើក្រុម ក្រូអាស៊ី ដោយគ្រាប់បាល់ ៤-២ [...]