អដ្ឋិធាតុទាហាន៖ មន្ត្រីអាមេរិកលើកពីកិច្ចការមនុស្សធម៌ ខណៈ ហ៊ុន សែន លើកពីសហប្រតិបត្តិការរដ្ឋ
ការជជែកមិនត្រូវ ទាក់ទងនឹងការលើកឡើងខុសគ្នានេះ ត្រូវបានឲ្យដឹង តាមយៈលិខិតឆ្លើយឆ្លងគ្នា រវាងមន្ត្រីអាមេរិក និងលោកនាយករដ្ឋមន្ត្រី ហ៊ុន សែន ដែលត្រូវបានខុទ្ទកាល័យនាយករដ្ឋមន្ត្រី បញ្ចេញជាសាធារណៈ ក្នុងរសៀលថ្ងៃទី១៣ ខែតុលា ឆ្នាំ២០១៧នេះ។
នៅក្នុងលិខិតរបស់អ្នកស្រី អាន មៀល-ហ្រ្គីហ្វីត (Ann Mills-Griffiths) ប្រធានក្រុមប្រឹក្សាភិបាល និងប្រធានក្រុមប្រតិបត្តិ នៃ«សម្ព័ន្ធគ្រួសាររបស់ឈ្លើយសឹក និងទាហានអាមេរិកបាត់ខ្លួន នៅអាស៊ីអាគ្នេយ៍» ដែលបានផ្ញើរជូននាយករដ្ឋមន្ត្រីកម្ពុជា បានបញ្ជាក់ថា គឺលោក ហ៊ុន សែន ខ្លួនលោកផ្ទាល់ ជាអ្នកអះអាងថា ការរុករកអដ្ឋិធាតុទាហានបាត់ខ្លួននេះ ជាបញ្ហា«មនុស្សធម៌»សុទ្ធសាធ និងមិនជាប់ទាក់ទង នឹងបញ្ហាខ្វែងគំនិតគ្នា ផ្នែកនយោបាយនោះទេ។
សូមបញ្ជាក់ដែរថា ស្ថាប័ន«សម្ព័ន្ធគ្រួសាររបស់ឈ្លើយសឹក និងទាហានអាមេរិកបាត់ខ្លួន នៅអាស៊ីអាគ្នេយ៍» គឺជាស្ថាប័នក្រៅរដ្ឋាភិបាល របស់អាមេរិក [...]
