Posts in ‘អាស៊ីប៉ាស៊ីភិក’ Category

រដ្ឋាភិបាលរបស់អ្នកស្រី អ៊ុងសាន ស៊ូជី (Aung San Suu Kyi) បានកាន់អំណាច មិនដល់២ឆ្នាំស្រួលបួលផងទេ តែបានប្រកាសរួចជាស្រេច ពីការតំឡើងប្រាក់បៀវត្ស ទៅដល់មន្ត្រីនយោជិកទាំងឡាយ ទាំងមន្ត្រីរដ្ឋការ ទាំងក្នុងវិស័យឯកជន (អនុវត្តន៍លើសហគ្រាស ដែលមានបុគ្គលិកចាប់ពី១០នាក់ឡើង)។

ការសម្រេចតំឡើងប្រាក់បៀវត្សនេះ ធ្វើឡើងបីឆ្នាំបន្ទាប់ពីរដ្ឋាភិបាលយោធា (មុនរដ្ឋាភិបាលអ្នកស្រី ស៊ូជី) បានដាក់ឲ្យមាន នូវកម្រិតប្រាក់បៀវត្សទាបបំផុត ក្នុងឆ្នាំ២០១៥ កន្លងទៅ។ នៅក្នុងសេចក្ដីរាយការណ៍មួយ ដែលចេញផ្សាយ ដោយសារព័ត៌មានផ្លូវការ «Global New Light of Myanmar» របស់រដ្ឋភូមា បានឲ្យដឹងថា ប្រាក់បៀវត្សថ្មី មានកម្រិត៤៨០០ឆា ក្នុងមួយថ្ងៃ។ សារព័ត៌មានបានស្រង់ប្រភពផ្លូវការមួយ មកសរសេរថា៖ «ប្រាក់បៀវត្សទាបបំផុតថ្មី នឹងត្រូវបានអនុវត្តន៍ នៅគ្រប់តំបន់ទាំងអស់ និងសម្រាប់គ្រប់សហគ្រាសទាំងអស់ ដែលមានបុគ្គលិក ចាប់ពី១០នាក់ឡើង»។

[...]

ដូចទម្លាប់រាល់ដង ប្រធានាធិបតីអាមេរិកបានអបអរសាទរឆ្នាំថ្មី ឆ្នាំ២០១៨នេះ ដោយបង្កើតឲ្យផ្ទុះជាសង្គ្រាមសំដីឡើង៖ នោះ គឺលោកបានបង្ហោះសារនៅលើទំព័រទ្វីសធើររបស់លោក វាយប្រហារដោយផ្ទាល់ ប្រឆាំងរបបដឹកនាំរបស់ប្រទេសពីរ នៅក្នុងតំបន់អាស៊ីខាងត្បូង។

សារទាំងនោះ ត្រូវបានលោក ដូណាល់ ត្រាំ (Donald Trump) បង្ហោះក្នុងឆ្នាំថ្មី អះអាងពី «ពេលវេលាសមល្មម ដែលត្រូវប្ដូរ» ដោយភ្ជាប់នឹងសារមុនៗ ដែលលោកបានបង្ហោះ នៅចុងឆ្នាំចាស់ បន្ទាប់ពីព្រឹត្តិការណ៍ផ្ទុះអំពើហិង្សាជាបន្តបន្ទាប់ ក្នុងប៉ុន្មានថ្ងៃចុងក្រោយ នៅក្នុងប្រទេសអៀរ៉ង់។ លោកប្រធានាធិបតី បានសរសេរថា៖ «អៀរ៉ង់ បានបរាជ័យនៅគ្រប់វិស័យទាំងអស់ បើទោះជាមានកិច្ចព្រមព្រៀងដ៏អាក្រក់មួយ ត្រូវបានធ្វើក្នុងពេលកន្លងមក ជាមួយរដ្ឋាភិបាលប្រធានាធិបតី អូបាម៉ា ក៏ដោយ»។

នេះជាសារលើកទីបី ដែលលោក ដូណាល់ ត្រាំ បានបង្ហោះវាយប្រហាររបបដឹកនាំអៀរ៉ង់ បើរាប់ចាប់តាំងពីថ្ងៃសុក្រ [...]

សារព័ត៌មានបាងកកប៉ុស្ដ៍ បានរាយការណ៍ថា លោក ស៊ូរិន ពិតសុវណ្ណ (Surin Pitsuwan) បានដួល នៅមុនពេលលោកឡើងថ្លែង ក្នុងពិធី «Thailand Halal Assembly» ដែលប្រព្រឹត្តិទៅ នៅក្នុងមជ្ឈមណ្ឌលពាណិជ្ជកម្មមួយ នៃសង្កាត់ «Bang Na» កណ្ដាលរាជធានីបាងកក។ លោកត្រូវបានបញ្ជូន ទៅកាន់មន្ទីរពេទ្យ «Ramkhamhaeng» និងបានទទួលមរណភាព នៅវេលាម៉ោង ១៥ និង០៧នាទី រសៀល។

លោក ស៊ូរិន ជាអ្នកនយោបាយ មកពីគណបក្សប្រជាធិបតេយ្យថៃ និងបានឡើងធ្វើជារដ្ឋមន្ត្រីការបរទេស នៃប្រទេសថៃ នៅរវាងឆ្នាំ ១៩៩៧ ដល់ឆ្នាំ២០០១ បន្ទាប់ពីលោកបានកាន់តំណែង ជាអនុរដ្ឋមន្ត្រីការបរទេស ពីឆ្នាំ១៩៩២ ដល់ឆ្នាំ១៩៩៥។ កេរ្តិ៍ឈ្មោះលោក ស៊ូរិន មានភាពល្បីល្បាញខ្លាំង នៅពេលលោកបានក្លាយជាអគ្គលេខាធិការ អាស៊ាន ចាប់ពីឆ្នាំ២០០៨ ដល់ ឆ្នាំ ២០១២។

លោកបានផ្តល់សន្ទរកថាមួយ កាលពីពីរសប្ដាហ៍មុន នៅក្នុងសន្និសីទអាស៊ាន ដើម្បីជាការរំលឹកខួប៥០ឆ្នាំ នៃសមាគមប្រជាជាតិមួយនេះ។

[...]

សម្រាប់ប្រទេសជប៉ុន លោក ហ្សីនហ្សូ អាប៊េ (Shinzo Abe) កំពុងទទួលបានឯកត្តកម្មថ្មី ថាជានាយករដ្ឋមន្ត្រីកាន់តំណែង បានយូរជាងគេ រាប់ចាប់តាំងពីប្រទេសមហាអំណាច សេដ្ឋកិច្ចទីបី ក្នុងលោកមួយនេះ ប្ដូររដ្ឋធម្មនុញ្ញ នៅក្រោយសង្គ្រាមលោកនោះមក។ លោក អាប៊េ ទើបនឹងទទួលបានជ័យជំនះជាថ្មីទៀត ក្នុងការបោះឆ្នោតមុនអាណត្តិ កាលពីថ្ងៃអាទិត្យកន្លងមក ដើម្បីអាចឲ្យលោក បន្តតំណែងសម្រាប់អាណត្តិថ្មី រហូតដល់ឆ្នាំ២០២១។

បើនិយាយពីសម្ព័ន្ធភាពនយោបាយ រវាងគណបក្សប្រជាធិតេយ្យសេរី (PLD - និន្នាការស្ដាំនិយម) របស់លោក ហ្សិនហ្សូ អាប៊េ និងគណបក្សកូម៉ីតូ (Komeito - និន្នាការស្ដាំនិយមកណ្ដាល) ជំហរនយោបាយរបស់នាយករដ្ឋមន្ត្រី ទំនងជាកាន់តែពង្រឹងខ្លាំងឡើងថែមទៀត ដោយសារគណបក្សទាំងពីរ ទទួលបានអាសនៈ នៅក្នុងរដ្ឋសភា រហូតដល់ទៅ៣១០កៅអី ពីក្នុងចំណោមអាសនៈទាំងអស់ ៤៦៥កៅអី។

ចំនួនអាសនៈច្រើនជាង ២ភាគ៣ ទាំងនេះ នឹងអាចអនុញ្ញតឲ្យលោក អាប៊េ [...]

ប្រទេសកូរ៉េខាងជើង បានហៅប្រធានាធិបតីអាមេរិក លោក ដូណាល់ ត្រាំ (Donald Trump) ថាជា«កញ្ចាស់ឆ្កួត» ព្រោះបានចោទក្រុងព្យុងយ៉ាង ថាបានធ្វើទារុណកម្ម ទៅលើនិស្សិតអាមេរិកាំង ឈ្មោះ «Otto Warmbier» ដែលត្រូវបានបញ្ជូនត្រឡប់មកសហរដ្ឋអាមេរិកវិញ ទាំងមិនដឹងខ្លួនស្ដូកស្ដឹង។ និស្សិតរូបនោះ បានស្លាប់ កាលពីអំឡុងខែមិថុនាកន្លងមក ដែលបើតាមសេតវិមាន ជាមរណភាពបណ្ដាល ពីទារុណកម្មធ្ងន់ធ្ងរ នៅពេលដែលនិស្សិត ស្ថិតក្នុងការឃុំខ្លួន ក្នុងប្រទេសកូរ៉េខាងជើង។

ប្រភពពី​ក្រសួងការបរទេស នៃប្រទេសកូរ៉េកុម្មុយនីស្ដ ត្រូវបានទីភ្នាក់ងារព័ត៌មាន​ផ្លូវការ​ «KCNA» របស់ប្រទេសនេះ ស្រង់សំដីមកចុះផ្សាយថា៖ «ត្រាំ និងបរិវារ រួមជាមួយ នឹងការឃោសនាដ៏អកុសល ប្រឆាំងសាធារណរដ្ឋប្រជាមានិតប្រជាធិបតេយ្យកូរ៉េ (ឈ្មោះផ្លូវការរបស់ប្រទេសកូរ៉េខាងជើង) បានធ្វើអាជីវកម្មជាថ្មីទៀត ទៅលើមរណភាពរបស់ "Otto Warmbier"»។

និស្សិតអាមេរិកាំងរូបនេះ [...]