Posts by "ឆេងអ៊ួ"

កំណាព្យ ប្រម៉ាត់ប្រម៉ង់

(បទ កាកគតិ)

១. ប្រម៉ាត់ប្រម៉ង់ ប្រម៉ាត់នាំបង់ ប្រម៉ង់នាំបាត់
ប្រម៉ាត់ប្រម៉ង់ នាំខ្មែរខ្ចាយខ្ចាត់ រដ្ឋគួរទប់ស្កាត់
ប្រម៉ាត់ប្រម៉ង់ ។

២. កាលជំនាន់មុន ខ្មែរជួបស៊យស៊ុន ជួបរឿងខាតបង់
ប្រម៉ាត់ប្រម៉ង់ នាំគ្នាដើរស្កាត់ លួចគៃបំបាត់
ជីវិតក្មេងៗ ។

៣. ដល់ពេលឥលូវ ជួបរឿងអាស្រូវ ផ្អើលអស់គេងឯង
ប្រម៉ាត់ប្រម៉ង់ មិនចេះកោតក្រែង សម្លាប់ក្មេងៗ
វះយកក្រលៀន ។

៤. តើពិតឬទេ? សូមជួយជាតិខ្មែរ គ្រប់អស់កោះគៀន
រាវរកការពិត មនុស្សវះក្រលៀន កុំឲ្យបៀតបៀន
ខ្មែរតទៅទៀត ។

៥. [...]

ចម្រៀងកុមារ៖ យើងខំសិក្សា

កំណាព្យបទ កាកគតិ

១. 1. ព្រឹកព្រលឹមហើយ ឱមិត្តយើងអើយ កុំនៅអែអង់
រៀបខ្លួនទៅរៀន ដោយការផ្ចិតផ្ចង់ យើងដើរតម្រង់
ទៅឯសាលា ។

២. 2. យើងត្រូវចងចាំ គ្រប់អស់បណ្តាំ ពុកម៉ែយាយតា
ខំរៀនរាល់ថ្ងៃ សន្សំវិជ្ជា នឹងកើនប្រាជ្ញា
ភោគក្តារមិនក្រ ។

៣.3. ក្តារឈ្នួនសៀវភៅ រក្សាឲ្យនៅ គុណភាពឲ្យល្អ
ពុកម៉ែស្រលាញ់ ដោយចិត្តអំណរ ញាតិមិត្តសាទរ
ព្រោះយើងខំរៀន ។

----------------------------------------------
និពន្ធដោយ៖ យី [...]

ចម្រៀងកុមារ ទម្លាប់កូនល្អ

កំណាព្យបទ កាកគតិ

១. ឱមាន់រងាវ គ្រហ៊ឹមកញ្ជ្រៀវ មិត្តអើយសូមភ្ញាក់
ក្រោកឡើងរៀបចំ មុងភួយទុកដាក់ ឲ្យត្រូវតាមថ្នាក់
ថតទូខ្ពស់ទាប ។

២. ព្រឹកព្រលឹមហើយ ឱមិត្តយើងអើយ នាំគ្នាប្រុងប្រៀប
ដុះធ្មេញមុជទឹក ត្រូវតាមរបៀប រួចហើយយើងរៀប
ស្រស់ស្រូបពេលព្រឹក ។

៣. ស្លៀកពាក់រួចហើយ ឱមិត្តយើងអើយ កុំបីភ្លាំងភ្លឹក
លាពុកនិងម៉ែ ទាន់ពេលនៅព្រឹក តាមលោករំឮក
ទៅសាលារៀន៕

----------------------------------------------