Posts in ‘អាស៊ីប៉ាស៊ីភិក’ Category

«ការរំសាយសព្វាវុធនុយក្លេអ៊ែរ ចេញទាំងអស់ ពីឧបទ្វីបកូរ៉េ» ជាថ្នូរទៅនឹង «ការធានាពីសុខសន្តិភាព របស់កូរ៉េខាងជើង»។ នេះ ជាសេចក្ដីសង្ខេប នៃសេចក្ដីប្រកាសរួមមួយ រវាងលោក ដូណាល់ ត្រាំ (Donald Trump) ប្រធានាធិបតីអាមេរិក និងលោក គីម ជុង-អ៊ុន (Kim Jong-un) ប្រមុខដឹកនាំកូរ៉េខាងជើង បន្ទាប់ពីជំនួបកំពូល របស់មេដឹកនាំទាំងពីរ ដែលត្រូវបានរៀបចំធ្វើ នៅព្រឹកថ្ងៃអង្គារទី ១២ ខែមិថុនា ឆ្នាំ២០១៨នេះ ក្នុងប្រទេសសិង្ហបូរី។

ឯកសារ​នៃសេចក្ដីប្រកាសរួមនោះ បានសរសេរថា លោក គីម ជុង-អ៊ុន បានសន្យាពី «ការរំសាយសព្វាវុធនុយក្លេអ៊ែរចេញទាំងអស់ ពីឧបទ្វីបកូរ៉េ» ខណៈលោក ដូណាល់ ត្រាំ បានសន្យា ពីការធានាសម្រាប់ប្រទេសកូរ៉េខាងជើង នូវ«សុខសន្តិភាព» ដែលគ្មានការគម្រាមកំហែង។ លោក ត្រាំ បានលើកឡើងថា លោកបានបង្កើតឡើង នូវចំណងទាក់ទងយ៉ាងពិសេស ជាមួយមេដឹកនាំកូរ៉េខាងជើង និងបានអញ្ជើញលោក គីម ជុង-អ៊ុន ឲ្យទៅធ្វើទស្សនកិច្ច [...]

នៅថ្ងៃចន្ទ ទី១១ ខែមិថុនា ឆ្នាំ២០១៨នេះ រដ្ឋមន្ត្រីក្រសួងការពារជាតិជប៉ុន លោក «Itsunori Onodera» បានប្រកាសឲ្យដឹងថា យន្ដហោះប្រដេញ ប្រភេទ «​F-15» របស់កងទ័ពអាមេរិក បានធ្លាក់បោកខ្លួន នៅក្នុងសមុទ្រខាងត្បូង  នៃកោះ «Okinawa» របស់ប្រទេសជប៉ុន។ អ្នកបើកបរយន្ដហោះ ដែលបានចុចបង្ហោះខ្លួនទាន់ពេល ចេញពីយន្ដហោះនោះ ត្រូវបាននាវាកងទ័ពជប៉ុន ជួយសង្គ្រោះ​ចេញ​ពីទឹកសមុទ្រ​ហើយ។

លោក «Itsunori Onodera» បានថ្លែងឲ្យដឹងថា អ្នកបើកបរយន្ដហោះប្រដេញខាងលើ ដែលជាទាហាន នៃមូលដ្ឋានយោធា «Kadena» របស់អាមេរិក បានចុចបង្ហោះខ្លួន ចេញពីយន្ដហោះ នៅត្រង់ចំណុចមួយ ដេលមានចំងាយប្រមាណ ជា៨០គីឡូម៉ែត្រ ក្នុងភាគខាងត្បូង នៃក្រុង «Naha» ដែលទីក្រុងរបស់កោះ «Okinawa» ស្ថិតនៅភាគខាងត្បូងបំផុត នៃប្រទេសជប៉ុន។

លោករដ្ឋមន្ត្រីបានបន្តថា បន្ទាប់ពីទទួលបានដំណឹង ពីគ្រោះថ្នាក់យន្ដហោះនេះរួច កងទ័ពជើងទឹកជប៉ុន បានរកឃើញអ្នកបើកបរយន្ដហោះ [...]

«ខ្ញុំមានកិត្តិយសណាស់» នេះ ជាការអះអាងឡើង របស់លោក ដូណាល់ ត្រាំ (Donald Trump) ប្រធានាធិបតីអាមេរិក នៅព្រឹកថ្ងៃអង្គារ ទី១២ ខែមិថុនានេះ ពីអារម្មណ៍របស់លោក ទៅកាន់លោក គីម ជុង-អ៊ុន (Kim Jong-un) ប្រមុខដឹកនាំកំពូល របស់ប្រទេសកូរ៉េខាងជើង។

ប្រធានាធិបតីអាមេរិក បានលើកឡើងថា លោកមាន«ទំនាក់ទំនងដ៏អស្ចារ្យ» ជាមួយមេដឹកនាំកូរ៉េកុម្មុយនីស្ដ នៅបន្ទាប់ពីលោកបានជួបជជែក ជាមួយលោក គីម ជុង-អ៊ុន ដែលជាការជួបជជែក លើកដំបូងបង្អស់ ប្រព្រឹត្តិទៅក្នុងព្រឹកដដែលនេះ ក្នុងប្រទេសសិង្ហបូរី។ លោក ដូណាល់ ត្រាំ បានបញ្ជាក់ទៀតថា៖ «ខ្ញុំមិនមានការ​សង្ស័យទេ»។

ចំពោះលោក គីម ជុង-អ៊ុន វិញ បានថ្លែងសាទរថា ប្រទេសកូរ៉េខាងជើង និងសហរដ្ឋអាមេរិក បានធ្វើឲ្យជោគជ័យ ក្នុង​«ការជំនះ នូវរាល់ឧបសគ្គជាច្រើន» [...]

សំដីមិនសំចៃមាត់ របស់ប្រធានាធិបតីហ្វីលីពីន បានបង្កការភ្ញាក់ផ្អើលជាថ្មីទៀត នៅជុំវិញពិភពលោក។ លើកនេះ អ្នករងគ្រោះ គឺជាអ្នករាយការណ៍ពិសេសមួយរូប របស់អង្គការសហប្រជាជាតិ លោក «Diego Garcia-Sayan‍‍‌‍» បន្ទាប់ពីមន្ត្រីជំនាញរូបនេះ ធ្វើការរិះគន់លោកប្រធានាធិបតី នៅក្នុងរបាយការណ៍មួយ ថាបានស្ថិត​នៅពីក្រោយ​ការដកអ្នកស្រី «Maria Lourdes Sereno» ប្រធានតុលាការកំពូលចេញពីតំណែង កាលពីខែឧសភាកន្លងទៅ។

លោក «Diego Garcia-Sayan‍‍‌‍» ដែលត្រូវធ្វើអង្កេត ទៅលើឯករាជ្យភាព របស់ចៅក្រម និងមេធាវី នៅក្នុងប្រទេសហ្វីលីពីន បានចោទលោក រ៉ូឌ្រីចូ ឌុយតែតេ (Rodrigo Duterte) ប្រធានាធិបតីហ្វីលីពីន ថាបានប្រើឥទ្ធិពល និងបាតដៃរបស់ខ្លួន ដើម្បីកំចាត់អ្នកស្រី «Maria Lourdes Sereno»។ អ្នកជំនាញ អ.ស.ប រូបនេះ បានហៅទង្វើនេះ ថាជា«ការវាយប្រហារ យ៉ាងឃោឃៅ» ប្រឆាំងនឹងអំណាចតុលាការ។

នៅចំពោះការចោទប្រកាន់ខាងលើ លោក ឌុយតែតេ [...]

បន្ទាប់ពីទទួលជួប ជាមួយដៃស្ដាំលោក គីម ជុង-អ៊ុន (Kim Jong-Un) គឺលោកឧត្ដមសេនីយ៍ គីម យ៉ុង-ចុល (Kim Yong Chol) នៅសេតវិមានរួច លោក ដូណាល់ ត្រាំ (Donald Trump) ប្រធានាធិបតីអាមេរិក បានថ្លែងអះអាង ទៅកាន់ក្រុមអ្នកយកព័ត៌មានថា ប្រទេសកូរ៉េកុម្មុយនីស្ដិ៍ មានបំណងក្នុងការរំសាយ​អាវុធនុយក្លេអ៊ែរ ហើយលោកបានទស្សន៍ទាយទុកថា កិច្ចសន្ទនាជាមួយក្រុង ព្យុងយ៉ាង នឹងជា​«ដំណើរការ ដែលពោរពេញដោយភាពជោគជ័យ»។

ប្រធានាធិបតី ដែលអះអាងថា បានទទួលលិខិតរបស់លោក គីម ជុង-អ៊ុន តាមរយៈលោក គីម យ៉ុង-ចុល នោះ បានថ្លែងសន្យាទៀតថា នៅក្នុងជំនួបខាងមុខនេះ សហរដ្ឋអាមេរិក នឹងមិនដាក់កំហិត ជាថ្មីទៀត ទៅលើកូរ៉េខាងជើងនោះទេ។

លោក ត្រាំ បានថ្លែងឡើងដូច្នេះ នៅលើសួនច្បារនៃសេតវិមាន បន្ទាប់ពីបានជូនលោក គីម យ៉ុង-ចុល ឲ្យឡើងរថយន្ដរួច។ លោកថា៖ «ខ្ញុំឈប់ចង់ប្រើពាក្យ "គំនាបជាអតិបរិមា"។ ខ្ញុំឈប់ចង់ប្រើពាក្យនេះទៀត។ យើងបានយល់ពីគ្នា។ [...]