នាយកប្រតិបត្តិក្លឹប PSG ៖ កីឡាករបេកខាំនឹងមិនមានវត្តមានក្នុងទឹកដីបារាំងទេ
តាមព័ត៌មានស៊ី អិន អិន ចេញផ្សាយកាលពីថ្ងៃអង្គារ ទី៣ មករា ឆ្នាំ២០១២ បានឱ្យដឹងថា កីឡាករដេវីដ បេកខាំ នឹងមិនចាកចេញពីក្លឹបបាល់ទាត់អាេមរិក LA Galaxy ទៅចូលរួមជាមួយក្លឹប Paris SG នោះទេ ដោយសារបញ្ហាក្រុមគ្រួសារ ដែលកំពុងរស់នៅក្នុងសហរដ្ឋអាមេរិក ។ លោក Leonard នាយកប្រតិបត្តិក្លឹប Paris SG បាននិយាយថា អ្វីៗត្រូវបានបញ្ចប់ហើយ វាគឺជារឿងមួយគួរឱ្យខ្មាសអៀនខ្លាំងណាស់ ពីព្រោះកិច្ចពិភាក្សា ដែលបានប្រព្រឹត្តទៅយ៉ាងរលូនត្រូវបានរលាយសូន្យ តែមួយប៉ព្រិចភ្នែក ហើយគ្រប់ៗគ្នាបានដឹងថា កីឡាកររូបនេះនឹងមកចូលលេងឱ្យក្លឹប Paris SG ក្នុងខែមករានេះ ។
ចំណែកឯលោក Nasser ប្រធានក្លឹប Paris SG បាននិយាយថា យើងមានការខកចិត្តពីព្រោះមនុស្សជាច្រើនបានដឹងពីរឿងនេះ ។ ជាមួយគ្នានេះដែរ លោក [...]