All Articles of MONOROOM.info

ទង្វើហិង្សាវាយតប់ ទាត់ធាក់ បោចសក់ ដែលត្រូវបានវីដេអូចំនួនពីរ អះអាងថា ជាការប្រព្រឹត្តិ របស់លោក​ឧកញ៉ា សុខ ប៊ុន ធ្វើទៅលើអតីតពិធីការិនីទូរទស្សន៍ កញ្ញា សាសា នោះ អាចនឹងត្រូវផ្ដន្ទាទោស ដោយក្រម​ព្រហ្មទណ្ឌនៃព្រះរាជាណាចក្រកម្ពុជា ដោយតម្រូវឲ្យជនល្មើស ត្រូវជាប់ពន្ធនាគារ ពី២ទៅ៥ឆ្នាំ ជាមួយនឹង​សំណងជំងឺចិត្ត ផ្សេងទៀត។

លោក​មេធាវី សុក សំអឿន អតីតនាយកប្រតិបត្តិ ក្រុម​អ្នក​ច្បាប់​ដើម្បី​សិទ្ធិ​កម្ពុជា បានពន្យល់ករណីនេះ ប្រាប់​ទស្សនាវដ្ដីមនោរម្យ.អាំងហ្វូថា ការវាយតប់ឃើញនៅក្នុងវីដេអូនោះ ជាបទបង្ករបួសស្នាម ដោយចេតនា ដែល​មានស្ថានទម្ងន់ទោស បង្កឡើងជាក្រុម (ជនបង្កមានគ្នាពីរនាក់) ហើយនេះជាបទមជ្ឈឹម (មិនមែនជា​បទ​ឧក្រិដ្ឋ)។ ប៉ុន្តែជនបង្កម្នាក់ ពីក្នុងចំណោមទាំងពីរនាក់ អាចនឹងទទួលការផ្ដន្ទាទោស ដោយច្បាប់របស់កម្ពុជា ពី២ ទៅដល់៥ឆ្នាំ។ ក្នុងករណី ដែលមានការប្រើប្រាស់អាវុធ ជាជំនួយផងនោះ ការផ្ដន្ទាទោស [...]

«កាស៊ីណូ» ដែលកំពុងកើតឡើងព្រោងព្រាត ក្នុងប្រទេសកម្ពុជា ពិសេសនៅតាមបណ្តាព្រំដែន នៅមិនទាន់​មានច្បាប់គ្រប់គ្រងនៅឡើយ។ តែផ្ទុយទៅវិញ សេចក្តីព្រាងច្បាប់ ស្ដីពីសមាគម និងអង្គការក្រៅរដ្ឋាភិបាល ដ៏ចម្រូងចម្រាស់ កំពុងរងការរិះគន់ថា ត្រូវបានរដ្ឋាភិបាល ផ្ដល់អាទិភាព ខ្លាំងជាងច្បាប់គ្រប់គ្រង់ កាស៊ីណូ ទៅវិញ។

លោក ហូរ វ៉ាន់ ប្រធានគណកម្មការទី១០នៃរដ្ឋសភា និងជាតំណាងរាស្ត្រ មកពីគណបក្សសង្គ្រោះជាតិ បាន​ថ្លែងថា ចំពោះសេចក្ដីព្រាងច្បាប់ ស្ដីពីអង្គការ និងសមាគមនេះ នៅមិនទាន់ដល់ពេល ឬចាំបាច់ និង​ប្រញាប់​អនុម័តនោះឡើយ។ លោកថា បើទោះជា១០ឆ្នាំទៀត ទើបអនុម័តនោះ ក៏វាមិនហួសពេលដែរ។ លោកបន្តថា តែអ្វីដែលគួរ យកចិត្តទុកដាក់ និងគិតគូរដើម្បីប្រយោជន៍ជាតិ និងប្រជាពលរដ្ឋនោះ រដ្ឋាភិបាលត្រូវ​ចាប់​អារម្មណ៍ បង្កើតឲ្យមានច្បាប់គ្រប់គ្រង លើ«កាស៊ីណូ»វាប្រសើរជាង។

តំណាងរាស្រ្តមណ្ឌលភ្នំពេញរូបនេះ បានបន្តថា តួយ៉ាង កាស៊ីណូ [...]

ករណីសង្ស័យ ប្តីលើកដៃសម្លាប់ប្រពន្ធ ដោយប្រើកាំបិតកាប់ រួចទៅចងកខ្លូនឯង ស្លាប់ទាំងពីរនាក់នេះ បាន​កើតឡើង កាលពីល្ងាចថ្ងៃទី០៩ ខែកក្កដា ឆ្នាំ២០១៥ នៅភូមិព្រែកក្រែង ឃុំព្រែកត្នោត ស្រុកទឹកឈូ ខេត្ត​កំពត។ តាមកោសល្យវិច័យ របស់មន្ត្រីសមត្ថកិច្ចបានឲ្យដឹងថា ស្រ្តីរងគ្រោះជាប្រពន្ធ ឈ្មោះ លេង ផាត អាយុ​៥៨ឆ្នាំ បានស្លាប់ ដោយមានស្លាកស្នាមជាច្រើនកាំបិត។

ប៉ុន្តែនៅមុនកងកម្លាំងអាជ្ញាធរ មកដល់នេះ បុរសជាប្តី ត្រូវបានអ្នកភូមិប្រទះឃើញ ស្លាប់ដោយចង ក រួច​ហើយ។ សមត្ថកិច្ចដែលចុះផ្ទាល់ បានឲ្យដឹងដែរថា បុរសជាប្តី ឈ្មោះ អ៊ូច សុខន អាយុ៦០ឆ្នាំ មានទីលំនៅ នៅភូមិឃុំ កើតហេតុខាងលើ។

ប្រភពពីប្រជាពលរដ្ឋ នៅក្នុងភូមិកើតហេតុ បានឲ្យដឹងថា ពីរនាក់ប្តីប្រពន្ធខាងលើ ឧស្សាហ៍ឈ្លោះទាស់​សំដី​គ្នា ស្ទើររាល់ថ្ងៃ គ្មានអ្នកណានៅក្បែរបានទេ។ ស្រាប់តែនៅថ្ងៃកើតហេតុ អ្នកភូមិមានការភ្ញាក់ផ្អើល ព្រោះ​ប្រទះ​ឃើញសាកសពបុរសជាប្តី នៅចង ក [...]

បើការប្រើប្រាស់គ្រឿង នៅតែមាន ជាបន្តជាប់រហូតដូច្នេះ គេគួរតែនាំគ្នាឆ្ងល់ថា តើបណ្ដាលមកពីហេតុអ្វី? បើ​ជនសង្ស័យ នៅតែមានគ្រឿងញៀនប្រើ មិនមែនមានន័យថា ពួកគេចេះជប់គ្រឿងញៀន មកដោយខ្លួនឯង​នោះ​ឡើយ។ នេះជាហេតុការណ៍មួយទៀត នៃការចុះចាប់ អ្នកប្រើប្រាស់គ្រឿងញៀន របស់​ក្រុម​អាជ្ញាធរ​រាជធានី​ភ្នំពេញ សហការជាមួយអាជ្ញាធរមូលដ្ឋាន។

ការចុះបង្ក្រាបនេះ បានធ្វើឡើង កាលពីវេលា ម៉ោង០៩ ថ្ងៃទី ០៩ ខែ កក្កដា ឆ្នាំ ២០១៥ នៅបន្ទប់ជួលក្នុងភូមិ ព្រែកលាស់ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។ ក្នុងការចុះត្រួតពិនិត្យនេះ មន្ត្រីកងរាជ​អាវុធ​ហត្ថ បានឃាត់ខ្លូនស្រ្តីម្នាក់ និងបុរសម្នាក់ រួមជាមួយថ្នាំញៀន មួយកញ្ចប់ធំផងដែរ។

កងកម្លាំងអាជ្ញាធរ បានបញ្ជាក់ប្រាប់អ្នកសារព័ត៌មានថា លោកបានឃើញស្រ្តីជនសង្ស័យព្យាយាម យកថ្នាំ​ញៀន​មួយចំនួន ដែលកំពុងប្រើប្រាស់ ទៅចាក់ចោលក្នុងបង្គន់ ខណៈដែលមន្រ្តីទាំងនោះ បានចុះទៅដល់។ ម្យ៉ាងវិញទៀត [...]

បន្ទាប់ពីប្រឡងវគ្គ «សុបិន្តក្លាយជាកាពិត» របស់ស្ថានីយ៍ទូរទស្សន៍ អាស៊ីអាគ្នេយ៍ កាលពីពេលថ្មីៗនេះ បាន​ទទួលលេខមួយ ប្រចាំសប្តាហ៍រួច បេក្ខជនម្នាក់ មកពីខេត្តព្រៃវែង បានបន្តកាន់តំណែងលេខ០១ នេះ រហូត​មកដល់ ការប្រឡងប្រចាំខែទៀត ដោយទទួលបានសម្លេងគាំទ្រច្រើនជាងគេ ពីអ្នកទស្សនានៅនឹងកន្លែង។អ្នកខ្លះបានពោលថា បេក្ខជនរូបនេះ មានសម្លេងដូច ឬជាម្ចាស់សម្លេងទីពីរ របស់លោក ខេមរៈសរីមន្ត។

ម្ចាស់ជ័យលាភីឯកប្រចាំខែនេះ ឈ្មោះ អំ សុណា បានច្រៀងបទ «លើសពី Fan បានអត់» ដែលជា​សំនៀង​ដើម របស់លោក ខេមរៈសេរីមន្ត ជាតារា ប្រចាំនៅផលិតកម្មសាន់ដេ។ បេក្ខជនវ័យ ២២ឆ្នាំខាងលើ មានស្រុក​កំណើត នៅភូមិបឹងប្រទិប ឃុំជាងដែក ស្រុកកំពង់ត្របែក ខេត្តព្រៃវែង បច្ចុប្បន្នស្នាក់នៅ សង្កាត់ទួលសង្កែ រាជធានីភ្នំពេញ។

កាលពីវគ្គប្រគួតប្រចាំសប្តាហ៍ មានបេក្ខជនប្រាំមួយរូប តែពេលប្រកូតវគ្គនេះ បានជម្រុះសល់តែ០៣ រូប​ប៉ុណ្ណោះ។ ក្នុងនោះអ្នកចម្រៀង [...]